Regnum Occidentalium Saxonum

(Redirectum de Wessex)

Regnum Occidentalium Saxonum seu Wessexia (Anglosaxonice Westseaxe seu Westseaxena Rīce) fuit unum inter regna Angliae (videlicet Heptarchiae) a saeculo V ad IX p.C.n. Series regum Occidentalium Saxonum a Cerdic incipere dicitur, et usque ad Athelstanum producitur qui die 4 Septembris 925 titulum regis Anglorum omnium reclamavit. Regnum proprium in provincias (scirae) sex saeculo IX divisum est; cui adiunguntur regna minora ab Egberto anno 825 subiecta, scilicet Sussaxonum, Surregiorum, Cantuariorum et Orientalium Saxonum.

Wikidata Regnum Occidentalium Saxonum
Res apud Vicidata repertae:
Terra continens: Europa
Locus: 51°12′0″N 2°0′0″W
Caput: Wintonia, Londinium

Gestio

absolute monarchy, elective monarchy

Populus

Sermo publicus: West Saxon
Moneta: sceat

Tabula aut despectus

Regnum Occidentalium Saxonum: situs
Regnum Occidentalium Saxonum: situs
Gentes Britanniae anno fere 600 p. C. n

Regis concilium (witan) de rebus gravibus disputabat. Omnis provincia vel regio a duce (ealdorman) gubernata est. Saeculo IX autem exeunte, regnante Alfredo, apparatus defensionis regni Wessexiae contra oppugnantes (et praecipue Vicingos) in burgos munitos distributus est, quorum indicem habemus in documento cuius titulus est Hidae quorundam burgorum. Denarii argentei iussu regum apud monetas per omne regnum sitas facti sunt, ad mercaturam et tributum adhibiti, semperque post tres annos revocati.

Divisiones administrativae recensere

 
Denarius regis Alfredi in urbe Londinio incusus
Scirae seu provinciae
  • Wilsæte seu Wiltunscir (Wiltonia) ante annum 802 constituta
  • Dornsæte (Dorcestria) ante annum 840 constituta
  • Sumorsæte (Somersetia) ante annum 845 constituta
  • Defenas seu Defnascir (Devonia) ante annum 850 constituta
  • Hantunscir (Hantonia) ante annum 860 constituta
  • Bearrucscir (Berceria) ante annum 860 constituta
 
Denarius regis Athelstani
Regna olim libera, ab anno 825 Wessexiae subiecta

Bibliographia recensere

  • Dumville, David (1985), "The West Saxon genealogical regnal list and the chronology of early Wessex", Peritia 4.21-66. Situs venalis
  • Hamerow, Helena, Christopher Ferguson, John Naylor (2013), "The Origins of Wessex Pilot Project", Oxoniensia 78: 49-69.
  • Keynes, Simon (2001), "Kings of the West Saxons", in M. Lapidge et al., edd., The Blackwell Encyclopaedia of Anglo-Saxon England (Oxoniae: Wiley-Blackwell, ISBN 978-0-6312-2492-1): 511–514.
  • Kirby, D. P. (1965), "Problems of Early West Saxon History", English Historical Review 80: 10-29.
  • Kirby, D. P. (2000), The earliest English kings, Londinii: Routledge.
  • Leeds, E.T. (1954), "The Growth of Wessex", Oxoniensia 59: 55–56.
  • Yorke, Barbara (1990), Kings and Kingdoms of Early Anglo-Saxon England, Londinii.
  • Yorke, Barbara (1995), Wessex in the Early Middle Ages, Londinii: Continuum, ISBN 978-0718518561. Epitome
  • Yorke, Barbara (2018), "Competition for the Solent and 7th Century Politics" in Ben Jervis, ed., The Middle Ages Revisited: Studies in the Archaeology and History of Medieval Southern England presented to Professor David A. Hinton (Oxoniae: Archaeopress) pp. 35-44

Nexus interni

Nexus externi recensere