Vicipaedia

Victoria Spiritus Sancti

(Redirectum de Urbs Capisabarum)
Vide etiam paginam discretivam: Victoria.

Victoria[1] (Lusitane Vitória [viˈtɔɾjɐ], usque ad decennium anni 1940 Victória) est caput civitatis Brasiliensis Spiritus Sancti, sita in insula parva in sinu maris, quo multa flumina exeunt, anno 1551 condita. Urbs ipsa habet 365,855 homines (2020), sed incolae regionis metropolitanae Victoriae sunt plus quam 1,857,616 (2013), quo 14a urbs Brasiliae est magnitudine.

Wikidata Victoria Spiritus Sancti
Res apud Vicidata repertae:
Victoria Spiritus Sancti: insigne
Victoria Spiritus Sancti: insigne
Civitas: Brasilia
Locus: 20°18′38″S 40°17′50″W
Numerus incolarum: 322 869
Situs interretialis

Gestio

Consilium: municipal chamber of Vitoria
Procuratio superior: civitas Spiritus Sancti

Geographia

Superficies: 96.536 chiliometrum quadratum
Territoria finitima: Vila Velha, Cariacica, Serra

Coniunctiones urbium

Urbes gemellae: Cascais, Miamia-Dade Comitatus, Mobile, Qingdao, Iquique, Dunquerca, Zhuhai, Nova Victoria, Jersey City, Communauté urbaine de Dunkerque

Tabula aut despectus

Victoria Spiritus Sancti: situs
Victoria Spiritus Sancti: situs

Victoria Insula est insula fluvialis Victoriensi Sinu circumdata. Alias quoque 34 insulas partemque terrae continentis municipium tenet, quarum summa est 93.381 km2. Olim vero 50 insulae erant, quarum multae mole adiunctae sunt maximae.

Anno 2013 Nationes Unitae Victoriam 4am optimam habitantibus urbem Brasiliensem censuit, sanitatem, educationem, atque conata ad res civiles excolendas iudicantes, superatam São Caetano do Sul, Águas de São Pedro et Florianopoli, et maximi producti domestici generalis per capita. Victoriae indicem progressus humani (HDI) secundum esse inter capita civitatum Brasiliensium (post Florianopolin) invenit Fundação Getúlio Vargas.

Victoriae sunt duo maximi portus, Portus Victoriensis et Portus Tubarão. Hi comprehenduntur in Brasiliae maxima et laudatissima complexione portuum. Victoria, ad oram sita, propinqua est montibus Spiritus Sancti. Curia municipalis per imperium de portibus insulas quoque regit Trindade et Martim Vaz fere 1,100 km ab ora distantes, quae sitae sub divortio massarum aëriarium optimum locum castris meteorologicis praestant.

Geographia

recensere
 
Victoria a Convento da Penha visa.

Victoria sita est in Victoriensi Sinu Oceani Atlantici in mediis oris australibus Brasiliae et in civitate Spiritu Sancto, cui capitis officio fungitur. Territorio 97.12 km2, Victoria est inter urbes minimas civitatis et minimum omnium 27 capitum Brasiliensium.

Divisa est inter terram continentem et Victoriam Insulam et confinis tribus aliis municipiis: ad septentrionem Serra, ad occidentem Cariacica, et ad austrum Vila Velha. Ex his et ex municipiis Fundão, Guarapari et Viana constat Regio Metropolitana Victoriensis seu Magna Victoria.

Victoria urbs ad planitiem litoralem pertinet. Solum partitum est inter regionem plicatam et aliam depositorum sedimentariorum, quae ei figuram variam collibus, quarum pars de formis relictis derivata est, terris undulatis, et planitiebus induunt. Haec terra est pars Silvae Atlanticae, biomatis super litus orientale Brasiliae extenti, et systematis litoralis et marini. Gignuntur igitur silvae tropicae, manglia, pulvini et thinia. Aqua Magnae Victoriae duobus fluminibus ducitur: Santa Maria da Vitória et Jucu. Ad mare sunt orae Camburi, Curva da Jurema et Castanheiras.

Municipium constat ex 80 vicis, in novem regiones digestis:

  • Centro
  • Santo Antônio
  • Jucutuquara
  • Maruípe
  • Praia do Canto
  • Continental
  • São Pedro
  • Jardim Camburi
  • Jardim da Penha

Forma terrae

recensere

Eadem formae natura est insulae quae continenti, lapide granito, mari et herbis Brasiliensibus restinga-mangue circumdatae. Mons media Victoria Insula, Morro da Fonte Grande, est 308.8 m altus; eminent quoque moles granitae Pedra dos Dois Olhos (296 m alta) et Morro de São Benedito 194 m alta). Victoriae locus summus est Pico do Desejado in Trindade Insula, undecies centum kilometra ab ora continentis, 601 m altus.

Clima

recensere

Clima est tropicale, temperatura media 23°C et pluvio praesertim inter menses Octobrem et Ianuarium cadente. Hieme temperatura varia est, cum usque ad 30°C siccis temporibus efferatur, sed ad 12°C cadat si frontem frigidam mare intempestive frigidum sequatur.

Temperatura maxima Victoriae tradita est 39.6°C (INMET) die 25 Februarii 2006, et minima est 9°C, quae ob Flumen Oceanicum Malvinum accidit.

Victoria titulum capitis Brasiliensis minime pluvialis cum Urbe Fluminensi communicat, 918 mm per annum accipiens. Minime autem variam temperaturam fere totius civitatis Spiritus Sancti habet et ob clima oceanicum et ob montes motus aërios defendentes.

Victoria est inter urbes calidissimas Spiritus Sancti propter inquinationem aëris et tecta densata montesque insulae, qui frigido austro obstant. Interest quoque pluvium 350 mm medio Spiritus Sancti minus. Eo temperatura minima Victoriensis 2°C superat minimam mediam civitatis et 1°C urbis vicinae Vila Velha.

Historia

recensere
 
Prospectus Victoriae anno 1903.

Cum Vila Velha, caput priscum capitaniae Spiritus Sanctus, bello urgeretur a populis indigenis, quibus linguae erant Tupi-Guarani et quibusdam fortasse Macro-Jê, et a Francis et Batavis, Lusitani caput removere decreverunt. Lecta est insula proxima continenti, cui nomen erat Guanaani. Oppidum conditum est die 8 Septembris 1551 nuncupatumque Vila Nova do Espírito Santo; postea nomen Victoria datum est quia coloni duce Vasco Fernandes Coutinho populum Goytacaz pugna vicerant.

 
Victoria anno 1937. Tabularium Publicum Brasiliense.

Usque ad saeculum XX limites capitis fuerunt Castellum São João, ubi nunc situs est Club de Regatas Saldanha da Gama, prope mediam urbem, et mons ubi nunc stat valetudinarium Santa Casa de Misericórdia, in Vila Rubim. Oppidum in collibus structum est, quo quaedam viae angustiores factae; cum terrae inferiores oppugnari solerent, multi loci in oris muniti sunt.

Victoria oppidum die 24 Februarii 1823 urbs facta est, sed insularis situs incremento obstabat. Post annum 1894, negotio caffeino florente, partis urbanae inferioris magnitudo aucta et forma mutata est molibus multis. Novi vici culti et collibus viis publicis nexi; domus antiquae eversae sunt et cloacae aedificatae. Anno 1927 pons inter insulam et continentem apertus est, anno 1941 aperta prima pila portus.

Hic inde mire increvit; super moles latae viae pansae; Victoria urbs metropolis maxima Spiritus Sancti facta est. Anno 1970, Victoriensi facto pari portibus maximis Brasiliensibus, industrializatio incepit, qua paene omnia vestigia Coloniae et Imperii Brasiliensis perierunt.

Demographia

recensere
Gentes Victoriae
Gens Centesimae
Albi
  
 48%
Pardo (polyphyletici)
  
 42%
Nigri
  
 9%
Asiatici
  
 0.62%
Indigenae
  
 0.38%
 
Prospectus Victoriae a Vila Velha.
 
Victoriensis Sinus.
 
Prospectus Victoriae a Convento da Penha.

Anno 2010 IBGE 348,265 homines Victoriae habitantes censuit, quorum gente 48 centesimae albae, 42 Pardo (polyphyleticae), 9 nigrae, 0.62 Asiaticae, et 0.38 indigenae.[2]

Victoriam secundum optimum statum vivendi capitalium Brasiliensium habere pronuntiat Fundatio Getúlio Vargas et 9am optimam urbem laborantibus esse. Fructus per capita est capitalium Brasiliensium maximus.

  • GDP per capita (2007): 60592.00 (1um capitalium)
  • Spes vitae (annis) ad natum: 70.74 (4um capitalium)
  • IDHM R-index fructus: 0.858 (3um capitalium)
  • IDHM E-index educationis: 0.948 (3um capitalium)
  • IDHM-L-index aevi: .762 (4um capitalium)
  • ICH-index privationis utilitatum necessariarum, domicilii: 0.882
  • Scientia litterarum: 95.48% (5um capitalium)
  • ENEM medium 2007: 60.225 (1um capitalium)
  • Praesentia in ludis: 93.36% (3um capitalium)
  • Index Gini: 0.61
  • HDI: 0.856 (3um capitalium et 1um Regionis Austrorientalis)
  • Suffragati: 237 554
  • Incrementum annuale populi: 2.36%
  • Optimum capital iuvenibus curriculum incipientibus
  • Nonum optimum capital laborantibus
  • Portus Aërius Victoriensis est 14us Brasiliae numero viatorum (1,661,192 passengers anno 2006) et 14us pondere oneris (13,023,544 kilogramma anno 2006).
  • Portus marinus maximus Brasiliae pondere oneris
  • Raedae: 120,826
  • Minimus populus capitalium Austrorientalium

Religio

recensere
Religio Centesimae Homines
Catholici 63.36% 185,211
Protestantes 22.18% 64,846
Sine religione 10.53% 30,791
Spiritistae 2.04% 5,975

Fons: IBGE 2000[3]

Oeconomia

recensere
 
Prospectus Enseada do Suá ab loco super Vila Velha.

Oeconomia Victoriensis in portu, commercio activo, industria, et officiis periegeticis stat. Duos portus maximos Brasiliae habet, Portum Victoriensem et Portum Tubarão. Maximae industriae sunt ArcelorMittal Tubarão (olim CST), quae chalybem toti orbi facit, et societas fossoria metalli Vale (olim Companhia Vale do Rio Doce, CVRD).

Productus domesticus generalis Victoriae 20 centesimas civitatis metitur. Illius maxima pars est tertiaria, 60 centesimas summae efficiens, commercio et officiis sed non re publica urbana comprehensis. Industria 30 centesimas oeconomiae Victoriensis facit, hic inclusis magnis societatibus extractivis ut Petrobras.[4]

Commercium

recensere

Maximum forum mercatorium Victoriae est Shopping Vitória, tabernis plus 400, magna aula cibaria, et complexione cinematica. Sunt quoque Shopping Norte Sul tabernis 99, Shopping Centro da Praia, Shopping Boulevard, et alia.

Educatio

recensere
 
Palatium Anchieta, Victoriae.

Lingua Lusitana, cum sit sermo publicus Brasiliae, princeps est in ludis. Etiam docenda est lingua secundaria et in ludis primariis et in secundariis. Quae saepissime est Anglica, sequentibus Hispanica, Francogallica, et Italiana. In perpaucis autem ludis lingua Theodisca docetur, quamquam ea (praesertim sermone Pomeranico Orientali) fere tot cives Spiritus Sancti loquuntur quot Francogallice et Italiane.

Instituta disciplinae

recensere
 
Universitas Foederalis Spiritus Sancti.

Victoriae olim fuit ludus gentilis Iaponicus nomine Ludus Iaponicus Victoriensis (ヴィトリア日本人学校 Vitoria Nihonjin Gakkō).[5]

Commeatus

recensere
 
Portus Aërius Gentilis Victoriensis.
 
Aditus Portus Aërii VIX.

Portus aërius

recensere

Portus Aërius Eurici de Aguiar Salles (Goiabeiras) situs est in area pauco plus 52 centenorum milium metrorum quadratorum. Post primum tectum anno 1946 perstructum, Portus Aërius Victoriensis aliquoties aucta et novata est, sed mensuram eius, 29 centena milia viatorum per annum, postulantes iam superarunt, anno 2013 paene 40 centenis milibus numeratis.

Aula viatorum aëra accommodatum habet, aream instructam paene 17,000 metrorum quadratorum, atrium adscribendorum, 25 mensas adscriptorias, porticusque conscensorias et adventorias. Victoriensis est unus ex 32 portibus retis Infraero, qui aulam onerariam habent. Recentia stabula navibus structa operam portuariam alacriorem reddiderunt. Mense Maio 1999 incepit primus nexus rectus onerarius inter Victoriam et urbem Civitatum Foederatarum (Miamiam) ut res in Spiritum Sanctum facilius importarentur, cuius gratia transvolatus quinquiens in septimana fit.

Commeatus publicus

recensere

Victoria duo systemata vectoria urbana habet.

  • Primum, cuius opera intra urbem cohibetur, appellatum est ab urbanis "verdinhos" ob colorem laophoriorum, quae divisa sunt inter tres societates, quorum sunt 52 itinera ordinaria et 2 selecta aëre accommodato. Itinera laophoria omnibus vicis prosunt. Merces electronice penditur.
  • Systema Transcol Victoriam aliis urbibus coniungit, intineribus per magnas vias, ut Victoria Av. et Beira Mar Av., ductis. Aliquot vici ab viis maximis distantes propria itinera habent, ut Jardim Camburi, qui coniunctus est Atrio Carapina Terminal et Laranjeiras, in municipio Serra, itinere 800 et Grande Sao Pedro et Grande Santo Antonio, quae itineribus 518 et 535 fruuntur et coniuncta sunt atriis Ibes (Vila Velha), Jardim America (Cariacica), Campo Grande (Cariacica) et Carapina (Serra). Hoc urbem atriis in locis necessariis sparsis connectit. Caput ipsum tamen iam non habet atria systematis Transcol postquam anno 2009 Terminal Don Bosco clausum est.
 
Victoriensis Sinus ab aëre visus.
 
Sinus cum ponte.

Viae

recensere

Accessus principales sunt viae foederales BR-101, raedaria Magnam Victoriam cum partibus australi et orientali-septentrionali Brasiliae iungens, BR-262 Victoriam cum Regione Mediana iungens, et Rodovia do Sol (Via Raedaria Solis). Minor foederalibus est ES-060 per urbem ducta et regionem litoralem coniungens.

Portus

recensere

Portus sunt duo: Portus Victoriensis et Porto do Tubarão.

Porto de Vitória est navium accessu difficillimus totius Brasiliae. Nam Victoriensis Sinus perangustus est, scopulique et montes navibus onerariis et bellicis accessum ad navalia impediunt. In loco autem arto et naves et raedae et homines concurrunt. Commeatus igitur regulis cohibetur, quod usui portus obstat. Itaque maxime adeunt naves periegeticae aut naves et suggestus petrolearii reficiendi.

Portus Tubarão decennio anni 1960, Portu Victoriensi saturo viso, a Companhia Vale do Rio Doce descriptus est. Hic multo faciliorem accessum ad mare praestat. Anno 1966 apertus, gradatim mensura auctus est, et recentissimo decennio ad 800 centena milia tonnarum pervenit. Cum ab origine structus sit ad metallum ferreum exportandum, tempore recenti addita sunt horrea granaria et farinae soiae. Hic portus ad extremum Orae Camburi situs est.

Ferriviae

recensere

Ferrivia Vitória-Minas onera ab Regione Mediana et viatores Victoria Urbem Belli Horizontis vehit.

Pons

recensere

Pons Legati Darcy Castelo de Mendonça, qui appellatur etiam Pons Tertius (Lusitane: Terceira Ponte), est secundus altitudine pons in Brasilia. Hic sinit inter urbes Vila Velha et Victoriam transvehi.

Ludi

recensere

Habet Victoria quattuor greges pediludicos: Rio Branco Atlético Clube, (vulgariter Rio Branco), Vitória Futebol Clube (ES), (vulgariter Vitória vel Vitória-ES), Espírito Santo Futebol Clube, (vulgariter Espírito Santo), Doze Futebol Clube, (vulgariter Doze), nunc in primo gradu certaminis Campeonato Capixaba certantem.[6]

Urbes coniunctae

recensere

Monumenta

recensere
 
Praça dos Namorados (Hortus Amantium).
 
Victoriensis Sinus.

Victoriae posita sunt multa temporibus Coloniae et Imperii, quorum nonnulla creata sunt monumenta foederalia, civilia, aut municipalia.

  • Theatrum Carlos Gomes (Teatro Carlos Gomes)
  • Cathedralis Nostrae Dominae Victoriae (Catedral Metropolitana)
  • Domus Urbis Veteris (Cidade Velha)
  • Forum Costa Pereira (Praça Costa Pereira)
  • Capella Santa Luzia (Capela de Santa Luzia)
  • Ecclesia São Gonçalo (Igreja de São Gonçalo)
  • Viaeductus Caramuru (Viaduto Caramuru)
  • Palatium Anchieta (Palácio Anchieta)
  • Palatium Domingos Martins (Palácio Domingos Martins)
  • Monasterium São Francisco (Monastério de São Francisco)
  • Ecclesia Nostrae Dominae Rosarii (Igreja de Nossa Senhora do Rosário)
  • Sanctuarium Santo Antônio (Santuário de Santo Antônio)
  • Saeptum Civile Fonte Grande

Notae

recensere
  1. ↑ Orbis Latinus
  2. ↑ (PDF) Síntese de Indicadores Sociais 2000. Victoriae, Brasilia: IBGE. 2000. ISBN 85-240-3919-1 
  3. ↑ "Religion in Vitória by IBGE" 
  4. ↑ Vitória
  5. ↑ "過去に指定・認定していた在外教育施設" (Formula:Webarchive). Ministerium Educationis, Morum, Ludorum, Scientiae et Technologiae. Aditus 15 Ianuarii 2015. "ヴィトリア日本人学校 （小学部及び中学部） ブラジル国ヴィトリア"
  6. ↑ "Estadual Série A 2017". futebolcapixaba.com. Federação de Futebol do Estado do Espírito Santo 
  7. ↑ 7.0 7.1 7.2 7.3 Redes de Cidades :: Prefeitura :: Prefeitura de Vitória. . www.vitoria.es.gov.br 

Nexus externi

recensere
Receptum de "https://la.wikipedia.org/w/index.php?title=Victoria_Spiritus_Sancti&oldid=3818976"