Universitas Leopoldino-Franciscea

Universitas Leopoldino-Franciscea Oenipontana^[1] (Theodisce: Leopold-Franzens-Universität Innsbruck; Italice: Università di Innsbruck; compendiarie: LFU/LFUI) universitas publica ac maximum institutum scientificum in Austria occidentali est; sedem suam habet Aeniponti.

signum hodiernum

Ea universitas terris Cisarulanae et Tiroli propria est et prius insuper pro Provincia Bauzanensi, Provincia Tridentina, Luxemburgo et Lichtensteno portas patefecit.^[2]

Mense Maio 2022 studiosi 28.106 aderant^[3] et hominum quattuor milia operam scientificam dabant atque navabant. Inde ab anno 2011 rector magnificus est Tilmann Märk physicus.

Historia

Initia educationis superioris Aenipontanae usque annum 1562 quaerere licet cum Societas Iesu collegium erexit. Denique imperator Leopoldus I die 15 Octobris 1669 veram almam matrem fundavit cum privilegio, ut vectigalia de sale in finitimis regionibus exercendo studiosis professoribusque profutura essent. Documentum officiale de universitate quattuor artium constituenda anno 1677 datum est.

Post abolitionem imperator Franciscus I anno 1826 resurrectionem academicam philosophiae iurisprudentiaeque iussit. Anno 1969 artes ingeniaria architecticaque additae sunt et anno 1976 oeconomici e potestate iuristarum emancipati sunt. Anno 2006, cum novae leges latae essent, alma mater in quindecim facultates divisa est. Eodem anno autem medici sinum Leopoldino-Francisceum relinquere coacti sunt ad universitatem propriam sibi creandam.^[4] Anno 2012 School of Education pars XVI declarata est, quae bonitatem in eruditione paedagogorum futurorum amplificaret.^[5]

Facultates XVI

architectura
biologia
chemia etpharmacologia
educatio
geologicae et atmosphaericae scientiae
iurisprudentia
magistrorum absolutio (nomen usque mensem Februarium 2018 School of Education)^[6]
mathematica, informatica, physica
oeconomia administrativa
oeconomia politica et statistica
philologia et scientiae culturales
philosophia et historia
psychologia et athletica
scientiae sociales et politicae
scientiae technicae (olim ars ingeniaria)
theologia catholica

Professores selecti

Nexus externi

Vicimedia Communia plura habent quae ad Universitatem Aenipontanam spectant.

Notae

↑ de universitatis nominibus variis conspectus
↑ Postquam in istis regionibus propria instituta condita sunt, tales partes officiales Aenipontanis non iam agendae erant. Tamen numerus studentium e plagis citatis oriundorum et nostris diebus parvus non est.
↑ "Universität Innsbruck - Auf einen Blick 2022"
↑ Separatio ista a multis refutata fecit, ut institutio Aenipontana sensu stricto non iam universitas classica (omnium facultatum fundamentalium) nuncupari possit - cf: iPoint: "Innsbrucker Mediziner wehren sich gegen Ausgliederung". Reintegratio quoque disputata est, cf: "Töchterle will Fusion von Uni und Med-Uni Innsbruck"
↑ https://www.uibk.ac.at/ipoint/news/2012/soe.html.de
↑ https://www.uibk.ac.at/zentraler-rechtsdienst/mitteilungsblatt-7.feb.2018.pdf

Stipula

Haec stipula ad universitatem aut scholam spectat. Amplifica, si potes!

[1] universitatis nominibus variis conspectus

[2] Postquam in istis regionibus propria instituta condita sunt, tales partes officiales Aenipontanis non iam agendae erant. Tamen numerus studentium e plagis citatis oriundorum et nostris diebus parvus non est.

[3] "Universität Innsbruck - Auf einen Blick 2022"

[4] Separatio ista a multis refutata fecit, ut institutio Aenipontana sensu stricto non iam universitas classica (omnium facultatum fundamentalium) nuncupari possit - cf: iPoint: "Innsbrucker Mediziner wehren sich gegen Ausgliederung". Reintegratio quoque disputata est, cf: "Töchterle will Fusion von Uni und Med-Uni Innsbruck"

[5] ttps://www.uibk.ac.at/ipoint/news/2012/soe.html.de

[6] ttps://www.uibk.ac.at/zentraler-rechtsdienst/mitteilungsblatt-7.feb.2018.pdf

[1]

[2]

[3]

[4]

[5]

[6]