Polyphemus

Polyphemus (Graece Πολύφημος) in mythologia Graeca fuit unus ex Neptuni (Mythologia Graeca Posidonis) et nymphae Thoosae filiis et unus inter Cyclopes.

Polyphemus, pictura amphorae Musei archaeologici urbis Eleusis, Eleusis.

Odysseus Polyphemo potum offerens. Pictura Ioannis Henrici Gulielmi Tischbein annis 1818–1819 facta Museo Artis et Historiae pagi Oldenburg, Oldenburgum, condita.

Mythologia

Polyphemus persona Odysseae et dramatis satyrici Euripidis Cyclops inscripti. Et in Aeneide memoratur

Ulixes, rex Ithacae, sapientiae notus, ventis vectus est in insulam prope Siciliam. Hic Polyphemus media fronte unum oculum habens rem pecuariam agebat et carnem humanam epulabatur. Huic responsum erat ab auguribus ut caveret ne ab Ulixe excaecaretur. Cum Polyphemus vidit Ulixem et eius socios in speluncam suam intravisse, molem saxeam ad ianuam adposuit ne exirent neve feritati eius resisterent. Tum Ithacorum rex vino quod secum portaverat Cyclopem donavit. Qui valde delectatus insueta potione, vino oneratus somnum cepit. Itaque Ulixes comitesque ardenti trunco oculum dormientis effoderunt et insequenti die cum Cyclops oves ad pabulum educeret ad pecora adligati egressi sunt. Quae excaecatio filii sui causa fuit cur per totam Odysseam Posidon Ulixem inexpiabili odio persecutus sit.

Amorem Polyphemi ad puellam nereidem dictam Galateam evocat carmen.

Fontes

• Carmen nonum Odysseae 170-540 necnon carmen primum 68-79.
• Euripides, Cyclops

Bibliographia

• Lutz Käppel: Polyphemos 2. In: Der Neue Pauly (DNP). t. 10, Metzler, Stutgardiae 2001. ISBN 3-476-01480-0, Sp. 76.

Nexus interni

• Limulus polyphemus

Nexus externus

Vicimedia Communia plura habent quae ad Polyphemum spectant.