Tyropatina

Tyropatina in arte coquinaria Romana fuit ferculum dulce e lacte, ovis, melle coctum, pipere sparsum. Recentius in talibus ferculis, variatim "lac coctum" vel "lac assum" nuncupatis, saccharum loco mellis praecipitur; nux moschata seu cinnamomum sive et alia aromata loco piperis insparguntur.

Leche asada ("lac assum" vel tyropatina) sicut in Chilia paratur

Praeceptum antiquum sub hoc nomine in Apicio sic legitur:

Tiropatinam: Accipies lac, adversus quod patinam [a]estimabis, temperabis lac cum melle quasi ad lactantia, ova quinque ad sextarium mittis, si ad eminam, ova tria. In lacte dissolvis ita ut unum corpus facias, in cumana colas et igni lento coques. Cum duxerit ad se, piper adspargis et inferes.

Tyropatinae recentiores

• Cramum ambustum
• Cramum calamellum

Bibliographia

Praecepta

• saec. IV? : Apicius sive De re coquinaria 7.11 (Christopher Grocock, Sally Grainger, edd., Apicius. A critical edition with an introduction and an English translation [Totenais: Prospect Books. ISBN 1903018137] pp. 252-253 ("tiropatina")
• saec. XIV : Llibre de sent soví (Joan Santanach i Suñol, ed., Robin M. Vogelzang, interpr., The book of Sent Soví: medieval recipes from Catalonia [2008] pp. 158-159, no. lviii) ("llet malcuita")
• 1520 : Robertus de Nola, Libre de doctrina per a ben servir, de tallar, y del art de coch. Barcinone, 1520 (Textus apud Google Books) series paginarum; alibi; recensio interretialis ff. 23v-24r ("De let mal cuyta")