Tamatarcha
urbs mediaevalis
(Redirectum de Tmutaracanum)
Tamatarcha[1] (Graece Ταμάταρχα[2]), vel Tmutaracanum[3] (Slavice Тъмуторокань) fuit urbs mediaevalis in paeninsula Tamanica loco Hermonassae Graecae et Tamani hodierni.
TamatarchaRes apud Vicidata repertae:
Civitas: Russia, Khazar Khaganate, Russia Kioviensis, Imperium Byzantinum, Respublica Genuensis, Imperium Ottomanicum, Imperium Russicum, Unio Sovietica
Locus: 45°13′9″N 36°42′51″E
Locus: 45°13′9″N 36°42′51″E
Gestio
Procuratio superior: Territorium Crasnodarianum, Ducatus Tmutaracanensis
Historia
recensereHermonassa Byzantina saeculo sexto a caganatu Turcico occupata est; tum nomen Tumen-Tarchan (a tumen, 'agmen militum', et tarchan, 'dux') accepit; postea Chasarica urbs erat et tempore Chazarorum interdum Samkerts nominatur. Chasaris a Sventoslao Kioviensi debellatis pars Russiae Kioviensis facta est et caput ducatus Tmutaracanensis. Cum ducatus a terris Russis ceteris a Cumanis separatus est, saeculo duodecimo iterum Byzantina Tamatarcha facta est, postea saeculis tertio decimo et quarto decimo Genuensis erat nomine Matrega.
Notae
recensere- ↑ J. G. Th. Graesse, Orbis Latinus, Brunopoli 1972, vol. IΙ, p. 521.
- ↑ Constantinus Porphyrogeniti De administrando imperio 42.
- ↑ Philippus Carolus Strahl(de), De commercio quod Germani cum Russis, praecipue cum Novogardensibus aevo medio exercuerunt, Bonnae 1834, p. 3. Vel Tmutaracha, — Orbis Latinus, ibidem.
Nexus externi
recensere|
|
Situs geographici et historici: Locus: 45°13′9″N 36°42′51″E • Digital Atlas of the Roman Empire • Большая российская энциклопедия |