Theodorus Matham
Theodorus Matham (vulgo Theodor Matham; Harlemi anno fere 1605 natus; Amstelodami die 26 Martii anno 1676 mortuus) chalcographus, pictor et delineationis peritus artifex Nederlandicus fuit.
Theodorus Matham
Biographia
recensere
Iacobi Matham, clari chalcographi[1], filius minor natu scalptorumque Ioannis et Hadriani frater[2], a patre artis initia didicit[3]. Harlemi laboravit de 1621 usque ad 1625[2]. Postea Lutetiam migravit[2], ubi opus Tableaux du Temple des Muses Michaeli de Marolles creavit[4], et denique Romam, ubi vixit de 1629 usque ad 1630[2], cum Cornelio Bloemaert studens[1] et, ab anno 1633 usque ad 1637, pro marchione Vincentio Iustiniani, ad eius antiquitatum collectionis chalcographias creandas, laborans (Galeria Iustiniana)[4][5]. Etiam Michael Natalis et Rainerus de Persijn huic operi adiuverunt, Ioachimus de Sandrart gubernans[4][5]. Anno 1637 Theodorus in Harlemum rediit[2], ubi impressiones tot sculpsit[1], et 12 Iulii anno 1641 Amstelodami Claram Huybrechts in matrimonium duxit; eius mater, Maria de Poelenburgh, testis fuit[2]. Anno 1644 Hagae consedit, ubi Amstelodami praesidis Reynst celebrium picturarum editioni adiuvit[4]. Amstelodami anno 1652, anno 1656 Hagae[2], ubi cum aliis artificibus Confrerie Pictura condidit[5], et denique iterum Amstelodami de 1662 usque ad 1676 laboravit[2].
Maxime rerum opera, ruris facies, praecipue italicas, effigies, aedificia atque monumenta scalpsit[2], quae solite T.M. fecit vel T.M. sculpsit obsignavit[1]. Praeter vari modi imagines sculptas, Matham prope centum effigies creavit[4].
Rainerus de Persijn discipulus eius fuit[2].
Opera
recensere- Picturae allegoria coronata a Cupidine, chalcographia, 40,16 x 28,58 cm, 1650 circa, Los Angeles County Museum of Art, Angelopoli
- Caspari Barlaei effigies, chalcographia, a Ioachimo de Sandrart
- Annae Catharinae Constantiae Waza, Electricis Palatinae effigies, chalcographia, 1648 fere, Poloniae Bibliothecae Nationali, Varsoviae[6]
- Christi questus, chalcographia a Geertgen tot Sint Jans, Ioannis Alberti Ban carmen latine, 1620[7]
- Gerardi Ioannis Vossii effigies, chalcographia a Ioachimo de Sandrart, 29 x 20,2 cm, Caspari Barlaei carmen[8]
- Theodori Blévet effigies, chalcographia a Francisci Hals, 1640-1660[9]
Notae
recensere- ↑ 1.0 1.1 1.2 1.3 The Web Gallery of Art
- ↑ 2.00 2.01 2.02 2.03 2.04 2.05 2.06 2.07 2.08 2.09 Rijksbureau voor Kunsthistorische Documentatie
- ↑ Union List of Artist Names Online
- ↑ 4.0 4.1 4.2 4.3 4.4 Enciclopedia online Treccani
- ↑ 5.0 5.1 5.2 Biografisch Woordenboek der Nederlanden
- ↑ Anna Katarzyna Konstancja Waza effigies - Communia
- ↑ Christi questus - Communia
- ↑ Gerardi Ioannis Vossii effigies - Communia
- ↑ Theodori Blévet effigies - Communia
Bibliographia
recensere- "Matham, Theodor (Dutch printmaker, born 1605 or 1606, died 1676)". Union List of Artist Names Online. 2014
- Emil Kren; Daniel Marx (2014). "MATHAM, Theodor". The Web Gallery of Art
- "MATHAM". Enciclopedie on line - Treccani.it. 2014
- "Theodor Matham". Rijksbureau voor Kunsthistorische Documentatie. 2014
- Abraham Jacob van der Aa; Karel Johan Reinier van Harderwijk;Gilles Dionysius Jacobus Schotel (1869). J.J. van Brederode. ed. Biografisch Woordenboek der Nederlanden. vol.XII°. Harlemo. pp. 367-368
Nexus externi
recensere
|
Vicimedia Communia plura habent quae ad Theodorum Matham spectant. |