Solanum dasyphyllum

Solanum dasyphyllum (binomen ab Henrico Christiano Friderico Schumacher et Petro Thonning anno 1827 statutum) est planta florens generis Solani subgenerisque Leptostemoni. In Africa occidentali orientalique sponte gignitur, territorio orientali ab Erythraea et Aethiopia usque in Africam Australem extendente. Frutex inter 0.5 m et 1 m altus, spinosissimus, foliis ellipticis chartaceis spinosis, fructibus rotundis vel elongatis inter 1.5 cm et 3 cm longis. Fructus per omnem annum producti comeduntur et in medicinam praescribuntur. Haec species formam silvaticam Solani macrocarpi esse censetur.

Folia et flos Solani macrocarpi, forma culta huius speciei

---

Plantae — Angiospermae

Eudicotyledones 
Asteridae 
Ordo : Solanales 
Familia : Solanaceae 
Genus : Solanum 
Subgenus : Leptostemonum 
Species : Solanum dasyphyllum' 
Schumach. & Thonn.

   

Bibliographia

• Z. R. Bukenya, J. F. Carasco, "Ethnobotanical aspects of Solanum L. (Solanaceae) in Uganda" in Michael Nee et al., edd., Solanaceae IV: advances in botany and utilization (Kew: Royal Botanical Gardens, 1999) pp. 345-360
• Henricus Christianus Fridericus Schumacher, Petrus Thonning, Beskrivelse af Guineeiske Planter (1827) p. 126
• Maria S. Vorontsova, Sandra Knapp, A Revision of the "Spiny Solanums", Solanum subgenus Leptostemonum (Solanaceae) in Africa and Madagascar (Systematic Botany Monographs vol. 99. 2016) pp. 141-147, p. 228 JSTOR
• Maria S. Vorontsova, Stephen Stern, Lynn Bohs, Sandra Knapp, "African spiny Solanum (subgenus Leptostemonum, Solanaceae): a thorny phylogenetic tangle" in Botanical Journal of the Linnean Society vol. 173 (2013) pp. 176–193

Nexus externi

Vicimedia Communia plura habent quae ad Solanum dasyphyllum spectant.

Vide "Solanum dasyphyllum" apud Vicispecies.