Sinus Schelechovii

Sinus Schelechovii (Russice залив Шелихова, tr. zaliv Šelichova) est sinus maris Ochotensis, inter paeninsulam Camtschatcam et litus continentis Asiae situs. Longituditem 650 chm, latitudinem in introitu circa 130 chm, latitudinem maximam 300 chm, profunditatem maximam 350 m habet. Septentrionalis sinus pars a paeninsula Taigonos ('Taigae Naso') in duo sinus separatur, sinum Gizhigensem, in quem Gizhiga flumen influit, et sinum Penzhinensem, in quem Penzhina flumen aquas fert. Insulae Iamenses ad litus occidentale in meridiana sinus parte sitae sunt.

Insulae Iamenses (Iamskije), ad introitum in sinum Schelechovii sitae

Aestus marinos usque ad 13 m altitudinis habet. Clupea pallasii, Hypomesus transpacificus, Eleginus gracilis, Pleuronectidae in sinu gignuntur.

Sinus e Gregorio Schelechov appellatur.