Sinus Rigensis
Sinus Rigensis[1] (Lettonice Rīgas līcis, Estonice Liivi laht) est sinus in parte meridie-orientali Maris Baltici, ad litora Lettoniae et Estoniae situs.
Geographia
recensereLongitudo sinus est 174 chm et latitudo 137 chm. Altitudo maxima est 54 m. Superficies tota aquae huius sinus est circiter 18,1 milia chm². Plusquam quinque menses anni derigescitur. Rubes promunturium[2] Curlandiae sinum a mari Baltico separat. Runa[3] et Kyna[4] insulae in parte boreali sinus Rigensis sitae sunt. Osilia et Mona insulae Estonicae exitum e sinu prohibent; fretum Irbenicum[5] inter Osiliam er Ribem promunturium in mare ducit.
Urbes litorales
recensereVariae urbes oppidaque iacent ad litora huius sinus, quarum maximae sunt Riga Lettoniae caput et Saletsa Lettonica et Pernavia Estoniae urbs magna.
Flumina
recensereDuina Occidentalis et Saletsa et Mater Aquarum in sinum Rigensem effunduntur.
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Рижский залив. Olim et Sinus magnus Livoniae, — Hessel Gerritsz, Gulielmus Blaeu(nl), Magni Ducatus Lithuaniae caeterarumque regionum illi adiacentium tabula, 1613.
- ↑ J. G. Th. Graesse, Orbis Latinus, Brunopoli 1972, vol. III, p. 286. Lettonice Kolkasrags.
- ↑ Lucae Aurigarii Speculum nauticum super nauigatione maris occidentalis, Lugduni Batavorum 1586, pp. XIIII, 24.
- ↑ Ibidem, p. XIIII.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Ирбенский пролив.
.jpg){kind=link}
Nexus externi
recensere
|
Vicimedia Communia plura habent quae ad Sinum Rigensem spectant. |
|
Situs geographici et historici: Locus: 57°37′32″N 23°35′5″E • GeoNames • Thesaurus Getty • Store norske Lexikon • Большая российская энциклопедия |