Sergius Michalkov

Sergius Vladimiri filius Michalkov (Russice Сергей Владимирович Михалков, tr. Sergej Vladimirovič Michalkov; 13 Martii 1913 – 27 Augusti 2009) fuit poeta, dramaturgus et scriptor Russicus Sovieticus, auctor textuum hymni Unionis Sovieticae et hymni Foederationis Russicae, academicus Academiae Educationis Russicae.

Biographia

Sergius Michalkov natus est die 28 Februarii Calendarii Iuliani (13 Martii secundum Calendarium Gregorianum) anno 1913, Moscuae in urbe, in familia nobili.

Circa 9 annos natus, Sergius Michalkov versus facere incepit, et anno 1928 primo poema suum in lucem edidit. Gloriam cepit ob versus suos numerosos, pro impubibus scriptos. Praeterea, creavit multas fabulas, mala societatis in risum vertentes.

Anno 1943 Michalkov cum Gabriele El-Registan scripsit textum pro hymno novo Unionis Sovieticae. Decennio 198 textum illum correxit. Etiam est auctor textus hymni Foederationis Russicae, qui ab anno 2000 in usu est.

Sergius Michalkov ornatus est multis signis laudis Unionis Sovieticae (e.g. praemiis Staliniana et Leniniana atque titulo Herois Laboris Socialistici) et Foederationis Russicae (e.g. insigne Sancti Andreae et insignibus Pro beneficia in Patriam).

Obiit Moscuae, die 27 Augusti anno 2009.

Fontes

Biographia Sergii Michalkov (Russice)
Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5 (Russice)
P.Strawiński, Mortuus est Sergius Michalkov (Russice)

Nexus externi

Vicimedia Communia plura habent quae ad Sergium Michalkov spectant.

Lexica biographica: Gran Enciclopèdia Catalana • Deutsche Biographie •