Salvator Fisichella
Salvator Fisichella, cui cognomen est Rino (natus Cotonei iuxta urbem Laudem Novam in Italia die 25 Augusti 1951), est theologus et archiepiscopus Italicus.
Vita recensere
Ordinatus est presbyter anno 1976 Romae, in Paroecia Sanctorum Protomartyrum Romanorum, et munere vicarii paroecialis in eadem paroecia functus est ab illo fere tempore usque ad annum 1979.
Multos per annos (ab anno scilicet 1983 usque ad annum 1998), postquam lauream doctoris, dissertatione de theologia Ioannis Ursini de Balthasar confecta, anno 1980 consecutus est, theologiam fundamentalem in Pontificia Universitate Gregoriana docuit.
Ab anno 2002 est etiam Pontificiae Universitatis Lateranensis rector et ab eodem tempore usque ad annum 2006 fuit praeses Pontificii Instituti "Ioannes Paulus II" Studiorum Matrimonii ac Familiae.
Salvator Fisichella fuit episcopus auxiliaris Romae ab anno 1998 usque ad annum 2008.
Die 18 Iunii 2008 a papa Benedicto XVI, praeses Pontificiae Academiae pro Vita et archiepiscopus titularis Vicohabentiae factus est.[1]
Cum papa Benedictus XVI Pontificium Consilium de Nova Evangelizatione promovenda creavisset, die 30 Iunii anni 2010 Salvator Fisichella huius praeses factus est.
Anno 2005, Fisichella salutationem controversam diurnariae Italicae Orianae Fallaci ad papam Benedictum XVI paravit.
Apostolica sententia eius recensere
Viam Veritatis Elegi.
Opera recensere
- Dictionary of Fundamental Theology, Abingdon Press 1999, ISBN 0-8245-1834-9, cum Renato Latourelle.
- Dio è amore. Commento teologico-pastorale a Deus Caritas est., Lateran University Press 2007, ISBN 978-88-465-0551-4.
Notae recensere
Nexus externus recensere
- "Curriculum vitae" e The Hierarchy of the Catholic Church (situs a Davide M. Cheney elaboratus) (Anglice)
 |
Haec stipula ad biographiam spectat. Amplifica, si potes! |