Rubico

Rubico
**Rubicone**
Nomina
Rubico, apud Bellaream-Hygiam Maris
Nomina Latina	Rubico (-onis, m.), Rubicon (-onis, m.), Rubrio (-onis, m.);
Nomina Vulgaria	Rubicone
Geographia physica
Longitudo	29 km
Altitudo principii	250 m
Area ex qua aqua affluit	km²
Fons	Stringara
Ostium	Mare Hadriaticum
Geographia politica	Italia
Terrae
Regiones	Aemilia-Romania
Provinciae	Foroliviensis-Caesenas
Urbes principes	Sabinianum, Gattheum
Tabula geographica

Rubico^[1] (-onis, m.; alia nomina: Rubicon -onis, Rubrio^[2] -onis; Italiane Rubicone) est parvus fluvius Italicus, in agro Foroliviensi et Caesenati Regionis Aemiliae-Romaniae situs, tributarius Maris Hadriatici.

Nomen

Nomen a rubendo derivatur propter aquarum colorem.

Decursus

Apud Stringaram (in municipio Castri Sulliani), flumen oritur. Inde descendit in agro Foroliviensi et Caesenati, et deinde se effundit in Hadriaticum mare apud Gattheum et Bellariam et Igeam Marinam.

Historia

Rubico praesertim eo celeber est, quod saeculo primo ante Christum natum finis erat inter Galliam Cisalpinam et Italiam.

Caius Iulius Caesar, 49 a.C.n., trans Rubiconem duxit exercitum, his verbis factisː "Alea iacta est." E quo facto bellum civile ortum est.

Hodie autem dubium est, cui rivulo prope Forum Livii sito hodie respondeat Rubico.

Sed hodie unum flumen sic appellatur, quia, rebus in dubiis stantibus, Benitus Mussolini, anno 1933 nolens tam gravem quaestionem insolutam esse, adspiciens istud parvum flumen, decrevit ipsum antiquum Rubiconem esse. Bello acto et Mussolini mortuo, decuriones oppidorum apud "Rubiconem decretum", quamquam communismum propugnatores et illius factionis participes essent et quamquam communisti omnia a Mussolini decreta irrita et vana putavissent, dixerunt se non permissuros fluminis nominis mutationem. Sic hodie Rubicon loquitur de antiqua et de recentiori historia.

Nexus interni

Tuscus - Romandiolus Apenninus (Italiane Appennino tosco-romagnolo).

Nexus externi

Vicimedia Communia plura habent quae ad Rubiconem spectant.

Notae

↑ Plin. nat. 3.115 fluvius Rubico; Sil. It. Pun. 8.453. Rubicon apud Claudianum (paneg. Hon.Aug.cos.VI 365) invenitur.
↑ Nozioni compendiose di geografia universale corredate di molteplici problemi ed esercizi proposte agli alunni delle scuole ginnasiali, tecniche, normali e magistrali da Primo Macchiati e Abdon Altobelli (Primo Macchiati, Stab.? tip. di G. Monti, 1875).

[1] Plin. nat. 3.115 fluvius Rubico; Sil. It. Pun. 8.453. Rubicon apud Claudianum (paneg. Hon.Aug.cos.VI 365) invenitur.

[2] Nozioni compendiose di geografia universale corredate di molteplici problemi ed esercizi proposte agli alunni delle scuole ginnasiali, tecniche, normali e magistrali da Primo Macchiati e Abdon Altobelli (Primo Macchiati, Stab.? tip. di G. Monti, 1875).

[1]

[2]