Reservatum Bargusinense

Reservatum Bargusinense^[1]^[2] (Russice Баргузинский заповедник, tr. Barguzinskij zapovednik), sive nunc plenior Reservatum publicum^[1] naturae^[2] biosphaerae Bargusinense (Russice Баргузинский государственный природный биосферный заповедник, tr. Barguzinskij gosudarstvennyj prirodnyj biosfernyj zapovednik) nominatur, est reservatum in Buriatia, in declivibus occidentalibus iugi Bargusinensis ad litus septentrio-orientale Baicalis lacus situm, aream 374 322 ha (3743 km²) habens.

In districtu Bargusinensi (unde et nomen) regionis Transbaicalensis die 29 Decembris 1916^[3] protectionis martum zibellinarum localium gratia conditum, factum est primum reservatum naturae in Russia (et solum eiusmodi in terra illa, ante res novas anni 1917 creatum). Anno 1986 factum est unum e reservatis biosphaerae UNESCO, et ab anno 1996 territorium reservati ad obiectum hereditatis mundialis naturalis UNESCO "Lacus Baical" pertinet.

Notae

↑ ^1.0 ^1.1 Reservatum publicum Bargusinense (Russice)
↑ ^2.0 ^2.1 Reservatum naturae Bargusinense (Anglice)
↑ Calendario Iuliano, scilicet 11 Ianuarii 1917 Gregoriano.

Nexus externi

Vicimedia Communia plura habent quae ad Reservatum Bargusinense spectant.

[Reservatum_publicum-1] 1.0 ^1.1 Reservatum publicum Bargusinense (Russice)

[Reservatum_naturae-2] 2.0 ^2.1 Reservatum naturae Bargusinense (Anglice)

[3] Calendario Iuliano, scilicet 11 Ianuarii 1917 Gregoriano.

[1]

[2]

[3]