Pulsar

Pulsar (-aris, n., verbum amalgamatum ab Anglico pulsating + star, stella pulsans), est stella neutronica rapide volvens et cuius radii electromagnetici intervallis constantibus pulsant. Pulsaria arte coniunguntur magnetaribus; differunt autem vi eorum camporum magneticorum.

imago composita visibilis radiis X pulsaris d nebulae Cancri, ostendens gasum circumdans nebulam agitatum campo magnetico radiationeque pulsaris. Photographia NASA.

Origo

Pulsaria reperta sunt anno 1967 ab Iocelyna Bell et Antonio Hewish Cantabrigiae cum radioscopium ad scintillantem quasarum aspectum investigandum adhiberent. Signum constantissimum invenerunt, quod brevibus impulsibus post paucas secundas redientibus constitueretur. Origo terrestris signi exclusa erat nam omnis novus exortus die sideris nec die solis erat. Inaudita res tandem explicata est signo emisso stella neutronibus rapide volventi. Impulsus erant (et adhuc sunt) emissi omni 1.3373 secunda, quae autem constantia omnem aliam rem excludebat.

Nexus interni

• Pulsar enormium radiorum Roentgenianorum
• Foramen nigrum
• Mollis radiationis gamma iteratrum
• Planetae pulsarium
• Radiatio gamma
• Roentgeniani radii

Nexus externi

• Pulsars apud Imagine the Universe (NASA). (Anglice).
• "What Are Pulsars?" (Quid sunt pulsares) apud Space.com. (Anglice).