Paulownia

Paulownia est genus circa septem specierum familiae Paulowniacearum. Inter Scrophulariaceas ponitur, sed interdum in Bignoniaceas et Scrophulariaceas ponebatur. A Philippo de Siebold et Iosepho Zuccarini descriptum, in honorem Annae Pauli filiae (Russice Anna Pavlovna) reginae Nederlandiae nominatur.

Paulownia tomentosa floret

---

Plantae — Angiospermae

Eudicotyledones 
Asteridae 
Ordo : Lamiales 
Familia : Paulowniaceae 
Genus : Paulownia 
Siebold et Zucc.

   

Subdivisiones: Species

species, inter quas:

• Paulownia catalpifolia
• Paulownia elongata
• Paulownia fargesii
• Paulownia fortunei
• Paulownia kawakamii
• Paulownia taiwaniana
• Paulownia tomentosa

Descriptio

Paulowniae arbores sunt deciduae trunco recto comaque effusa. Folia opposita longe petiolata sunt, formae profunde denticulatae vel trilobae. Flores magni lilacini, interdum paene albidi inflorescentiam paniculatam formant. Calyces florum campanulati sunt. Fructus capsula est semina minuta alata continens.

Regio

Area paulowniarum naturalis est Asia Austrorientalis, h.e. Sinarum pars meridiana (Anhui, Fochiena, Quantunia, Hubei, Quiansia, Suchuen, Iunnania), Formosa, Corea, Vietnamia, Laotia. In Europa et America Septentrionali in hortis saepe colitur. Species quae vulgo in hortis invenitur est Paulownia tomentosa (quae et Paulownia imperialis nominatur), arbor usque ad 20 m altitudinis.