Ojos del Salado

Ojos del Salado (Latine 'Oculi [fluminis] Salsi') est Andium mons altitudine secundus a maximo (post Aconcaguam), nam 6887 m altus est. In confinio regionis Atacamensis Chiliae et provinciae Catamarcae Argentinae supra sicca deserti Atacamensis loca situs est.

Ojos del Salado.

Andesitibus et tofis compositus est. Mons ignifer est paene exstinctus; activitas vulcanica minima et rarissima est; sulphur et vaporem aquae evomuit annis 1937, 1956, et 1993. In declivi orientali in cratere prisco lacus situs est, qui orbis terrarum situ altissimus habetur (6390 m supra aequor maris).