Non-metallum

Non-metallum in chemia est elementum chemicum quod proprietates metalli non habet. Quod ad physicam attinet, eius punctum liquefactionis ebullitionisque, conductivitas thermalis electricaque, ac densitas plerumque sunt humilia, et in forma solida fere fragile est. Quod ad chemiam attinet, energia ionizationis, affinitas electronica, electronegativitas altae sunt; in reactionibus cum aliis elementis compositisque electrones capiunt vel communicant.

Non-metalla et metalloida in tabula periodica:

Metalloida	Non-metalla reactiva	Gasia nobilia

Non-metalla habentur septemdecim elementa, quorum plurima sunt gasia (hydrogenium, helium, nitrogenium, oxygenium, fluorum, neon, chlorum, argon, krypton, xenon, radon), unum est liquidum (bromum); nonnulla sunt solida (carbonium, phosphorus, sulphur, selenium, iodum). Metalloida ut borium, silicium, germanium aliquando non-metalla esse ducuntur.

Nexus externi

Vicimedia Communia plura habent quae ad non-metalla spectant.

• De chemia non-metallorum in situ Universitatis Purduensis