Philippus Miller

Philippus Miller, vulgo Philip Miller (natus anno 1691; mortuus die 18 Decembris 1771) fuit botanista, iuxta Londinium (patre Scoto) natus, qui a principio munus horticultoris et florum venditoris tenuit. Ab anno 1722 usque ad 1770 fuit horticultor (sed re vera botanista) principalis apud Hortum Apothecariorum iuxta Chelsea in suburbiis Londinii constitutum. Multae plantarum species ille primus in Anglia cultivavit; multae etiam in aliis terris idoneis (inter quas Australia) ad cultivandum misit. Opera egregia coloribus illustrata divulgavit: The Gardener's Dictionary, cuius editio prima in folio anno 1731 prodit, rursus septies auctore vivente re-editum est. Inter discipulos eius enumerantur filii Philippus et Carolus (hic postea hortum botanicum Cantabrigiensem incepit) adiutoresque Gulielmus Aiton qui horto Kewensi praefuit et Gulielmus Forsyth qui magistro suo succedit.

Olim Iosephi Pitton de Tournefort et Ioanni Ray sectator nomenclaturam novellam Linnaei reiecit, sed, a Gulielmo Watson et Gulielmos Hudson suasus, primum anno 1759 in editione septima operis The Gardener's Dictionary binomina Linnaeana tandem introduxit. Hortum autem Linnaeus ipse, Londinii anno 1736 degens, saepe visitavit et ibi, permittente Miller, plantas seminaque collexit.

Herbarium eius, post mortem a Iosepho Banks emptum, hodie in Museo Historiae Naturalis Londiniensi iacet.

Opera selecta

1724 : The Gardener's and Florist's Dictionary, or a complete system of horticulture. 2 voll. Londinii: C. Rivington
1728 : "A Method of Raising some Exotic Seeds which have been judged almost impossible to be raised in England, by first germinating them on a bed of tan" in Philosophical Transactions of the Royal Society vol. 35 p. 485
1730 : Catalogus plantarum quae in hortis haud procul a Londino sitis propagantur. Londinii
1730 : Catalogus plantarum officinalium quae in Horto Botanico Chelseyano aluntur. Londinii
1731-1739 : The Gardener's Dictionary, containing the methods of cultivating and improving the kitchen, fruit and flower garden. 2 voll. Londinii
1732 : The Gardener's Kalendar. Londinii
1735-1740 : The Gardener's dictionary Abridg'd. 2 voll. Londinii
1755-1760 : Figures of the Most Beautiful, Useful and Uncommon Plants described in the Gardener's Dictionary. 2 voll. Londinii
1758 : The Method of Cultivating Madder, as it is practised by the Dutch in Zealand. Londinii

Nexus interni

Taxa Miller

Bibliographia

"Miller, Philip ~~" in Dictionary of National Biography edd. Leslie Stephen, Sidney Lee. 63 voll., 3 voll. suppl. (Londinii, 1885-1901 ~) vol. 37 pp. 420-422
Hazel Le Rougetel, "Gardener extraordinary: Philip Miller of Chelsea (1691-1771)" in Journal of the Royal Horticultural Society vol. 96 (1971) pp. 556-63
Hazel Le Rougetel, "Philip Miller/John Bartram Botanical Exchange" in Garden History vol. 14 no. 1 (1986) pp. 32-39
Allen Paterson, "Philip Miller: a portrait" in Garden History vol. 14 no. 1 (1986) pp. 40-41

Siglum eius nominibus botanicis subscriptum est "Mill." (apud IPNI reperiendum)