Lucius Licinius Crassus

Lucius Licinius Crassus (natus circa annum 140 a.C.n., mortuus die 20 Septembris 91 a.C.n.) vir publicus et orator Romanus fuit.

Lucius Licinius Crassus

Res apud Vicidata repertae:

Nativitas: 140 a.C.n.; Roma antiqua
Obitus: 91 a.C.n.; unknown value
Patria: Roma antiqua

Familia

Genitores: unknown value; unknown value
Coniunx: Mucia
Proles: Licínia, Licinia, Licinia, Licinia, Lucius Licinius Crassus Scipio
Familia: Licinii Crassi

Gens

Pater eius Lucius Licinius Crassus fuit, Muciam in matrimonium duxit, filiam Quinti Mucii Scaevolae, ipse duas filias habuit: Licinia maior Publio Cornelio Scipioni Nasicae nupsit, praetori anni 93 a.C.n., minor Licinia Gaio Mario minori, clarissimi Gai Marii filio.

Cursus honorum

Iam XIX annos natus orationes publicas habuit. Anno quo quaestor fuit in provinciam Asiam missus est. Anno 107 a.C.n. tribunus plebis, anno 100 aedilis curulis fuit, deinde praetor. Anno 95 una cum Quinto Mucio Scaevola consul fuit, quo anno consules legem tulerunt, quae Latinos atque Italicos, qui civitatem Romanam fraude usurpassent, e tabulis oblitterari et in patriam redigi iuberet (lex Licinia Mucia dicta), et deinde proconsul Galliam Cisalpinam administravit. Anno 92 postremo censor electus est. Anno 91 a.C.n. inceptorum tribuni plebis Livii Drusi particeps fuit adeo ut Cicero non dubitarit scribere eum consiliarium Drusi fuisse. At eodem anno mense septembri obiit.

Bibliographia

• Christina Walde, "[I 10] L. Licinius Crassus, L." in Der Neue Pauly vol. 7 (Stutgardiae: Metzler, 1999. ISBN 3-476-01477-0) col. 158–161.

Nexus externi

• Lex Licinia Mucia apud Remacle
• Eadem lex apud Gratianopolitanam universitatem

Antecessores: Gaius Cassius Longinus et Gnaeus Domitius Ahenobarbus

Consul 95 a.C.n. cum Quinto Mucio Scaevola

Successores: Gaius Coelius Caldus et Lucius Domitius Ahenobarbus