Kalmia

Kalmia (Anglice: sheep-laurel, lambkill, calfkill, killkid, sheep-poison, spoonwood) est genus circa octo specierum fruticum et parvarum arborum sempervirentium 0.2–5 m altarum, familiae Ericacearum, in America Septentrionali (praecipue in orientali continentis dimidio) et Cuba endemicarum.

Kalmia latifolia

---

Plantae — Angiospermae

Classis : Eudicotyledones 
Superordo : Asteridae 
Ordo : Ericales 
Familia : Ericaceae 
Genus : Kalmia 
L.

   

Subdivisiones: Species

Vide commentarium.

Planta primum descripta est in America anno 1624, sed ex Pehr Kalm, botanista Finnico, qui exemplaria ad Linnaeum saeculo duodevicensimo misit, a Linnaeo ipso appellatur.

Folia sunt 2–12 cm longa, simplicia, lanceolata, spiratim in caulibus disposita. Flores sunt albi, rosei, vel purpurei, in 10–50 corybmis florum Rhododendri similibus, sed planioribus, calyce ad instar stellae quinque petalorum coniunctorum; quisque flos est 1–3 cm latus. Fructus est capsula quinquelobata, quae se ad liberanda numerosa parva semina diffindit.

Folia comesta sunt venenosa, ovibus ad venenum pronissimis (ergo nomen Anglicum lambkill, pro nonnullis speciebus adhibitum). Folia ramunculique hominibus quoque sunt toxicarii.

Larvae nonnullorum lepidopterorum nonnullis Kalmiae speciebus vesci solent, et Coleophora kalmiella solum Kalmia vescitur.

Flores.

Species

Kalmia microphylla

• Kalmia angustifolia L.
• Kalmia carolina
• Kalmia cuneata Michx.
• Kalmia ericoides Wright
• Kalmia hirsuta Walt.
• Kalmia latifolia L.
• Kalmia microphylla (Hook.) A. Heller; aliquando habita subspecies vel varietas Kalmiae polifoliae
• Kalmia occidentalis Small; = Kalmia microphylla
• Kalmia polifolia Wangenh.

Kalmiopsis leachiana est rarus frutex cognatus, in Siskiyou Montibus Oregoniae meridio-occidentalis endemicus.

Nexus externi

Vide "Kalmia" apud Vicispecies.

• De Kalmia latifolia
• Europaea Kalmiae Societas
• Hybridizator Germanus