Ioannes Amman

Ioannes Amman (Theodisce Iohann Amman), 22 Decembris 1707 Scafusae natus et 4 Decembris 1741 Petropoli mortuus, fuit botanista Helveticus et Russicus.

Vita et opera

In Academia Lugduno-Batava educatus, anno 1730 in Londinium migravit, ubi Regalis societatis socius factus est, et anno 1733 Petropolim a Gerhardo Friderico Müller invitatus venit, ubi botanicam et historiam naturalem in Academia Scientiarum Petropolitana praecipiebat. Hortum botanicum Academiae, qui tunc in insula Basilii situs erat, condidit. Ioannis Buxbaum Plantarum minus cognitarum centuriam quintam edidit. Herbarium Ioannis Amman, 4676 species continens, in Academia servatur. Liber, ab Ioanne Amman editum, est Stirpium rariorum in Imperio Rutheno sponte provenientium icones et descriptiones (Petropoli 1739).

Mespilus, illustratio e libro Ioannis Amman

Lexica biographica: • Deutsche Biographie • Commentatio Theodisce, Francogallice, Italice apud Lexicon historicum Helveticum • Большая российская энциклопедия • • IPNI

Siglum eius nominibus botanicis subscriptum est "Amman" (apud IPNI reperiendum)