Iohannes Claudius Margueron

Iohannes Claudius Margueron (natus Matriti 25 Octobris 1934 - mortuus Lutetiae 6 Aprilis 2023^[1]) fuit archaeologus et professor universitatis Francogallicus, antiquo Medio Orienti deditus. Ab anno 1979 Andreae Parrot antiquae Mari in Syria investigandae causa successit.

Iam ab anno 1969 archaeologiam et historiam Orientis Medii antiqui Argentorati (Strasbourg II) docebat et postquam thesim de palatiis Mesopotamicis aetatis aeneae feliciter defendit^[2] anno 1979 cathedram professoriam in universitate Argentinensi adeptus est, eo ipso anno quo investigationibus Marianis praefectus est. Deinde ab anno 1985 studiorum rector in Schola Practica Studiorum Superiorum fuit donec anno 2015 emeritus factus est^[3]. In Oriente pluribus investigationibus archaeologis praefuitː Larsa (1969-1970), Emar (1972-1978), Ugarit (1975-1976), Mari (1979-2004).

Nonnulla opera

1965ː Mésopotamie, Nagel. (Achaeologia Mundi) Recensio critica
1991ː Les Mésopotamiens, Armand Colin, 1991. Altera editio Picard, 2003. Recensio critica
2002ː "Les premières cités au Proche-Orient", Ktèmaː 239-250
2004ː Mari : métropole de l'Euphrate au IIIe et au début du IIe millénaire av. J.-C., Picard. Recensio critica versionis Anglicae
2008ː Le royaume de Mari, Studia Orontica
2013ː Cités invisibles : la naissance de l'urbanisme au Proche-Orient ancien : approche archéologique, Geuthner. Recensio critica
2014ː Mari, ni Est, ni Ouest : actes du colloque "Mari, ni Est ni Ouest" tenu les 20-22 octobre 2010 à Damas, Syrie (Pascal Butterlin, Jean-Claude Margueron, Béatrice Muller, Michel Al-Maqdissi, Dominique Beyer, Antoine Cavigneaux cur.), Beryti, Presses de l'Ifpo.
2017ː Mari, le temple d'Ishtar revisité : nouvelles conclusions, Matriti : Consejo Superior de Investigaciones Científicas. Recensio critica

In eius honorem cum emeritus factus est discipuli dissertationes ei dicaveruntː P. Butterlin, M. Lebeau, J.-Y. Monchambert (et al.), Les espaces syro-mésopotamiens : dimensions de l'expérience humaine au Proche-Orient ancien : volume d'hommage offert à Jean-Claude Margueron, Brepols, Turnhout, 2006

Notae

↑ Le Monde 20 avril 2023. BNU Strasbourg. IFPO
↑ Anno 1978 quae anno 1982 publicata estː Recherches sur les palais mésopotamiens de l'âge du bronze, Geuthner.
↑ Scheda UMR 7041

[1] Le Monde 20 avril 2023. BNU Strasbourg. IFPO

[2] Anno 1978 quae anno 1982 publicata estː Recherches sur les palais mésopotamiens de l'âge du bronze, Geuthner.

[3] Scheda UMR 7041

[1]

[2]

[3]