Ioannes Schicchius
Ioannes Schicchius,[1] vulgo plene Gianni Schicchi de' Cavalcanti (nescimus, quando natus sit mortuusve), fuit eques mediae aetatis Italicus, ut videtur Florentinus, qui etiam est persona in Divina comoedia a Dante Alagherio scripta.
In Divina comoedia
recensere
Pauca sunt nota de eius vita, sed primi commentatores carminis epici biographiam invenerunt quod suam descriptionem apud Inferna Dantis imitat. In bulga falsariorum (decima atque ultima octavi circuli infernali) ille damnatur quia testamentum Buosi Donati(it) patris familias Donati(it) subiectus erat, igitur "falsarius personae" fuit. Sic poëta Florentinus scripsit: "Fingi se Buosum Donati passus, equarum / ut grege de toto reginam acquireret, ausus / testari hunc simulans, simul et tabulis dare normam."[2] In XXX cantu Infernorum, Ioannes Schicchius atque Myrrha, persona mythologica Graeca antiqua, furiose adveniunt apud Dantem, quia rabie inficiuntur, atque impostor Florentinus alchemistam leprosum Capocchium(it) crudeliter adoritur.[2]
Fortuna
recenserePictor Francogallicus Gulielmus Adolphus Bouguereau tabulam de rixa inter Ioannem Schicchium Capocchiumque, Dantem et Vergilium(fr) (vulgo Dante et Virgile), anno 1850 pinxit. Ex hac mythistoria compositor Italicus Iacobus Puccini creavit operam comicam Gianni Schicchi, quod primum acta est anno 1918.
Notae
recensere- ↑ Cognomen Latinum nuncupatur apud Dissertationes Homericas (1741): "Ioannes Schicchius callidissimus impostor apud Dantem".
- ↑ 2.0 2.1 Dalla Piazza, Caietanus (1848). Dantis Alligherii Divina comoedia hexametris latinis reddita. Lipsiae: Ioannes Ambr. Barth. p. 115.
Bibliographia
recensere- Bosco, Umberto et Reggio, Giovanni, La Divina Commedia - Inferno, Le Monnier, 1988.
- Sermonti, Vittorio, Inferno, Rizzoli, 2001.
Nexus externus
recensere
|
Vicimedia Communia plura habent quae ad Ioannem Schicchium spectant. |
|
Lexica biographica: • Treccani • |