Ioannes Baptista Barberini (natus Gian Battista Barberini Laini fere 1625; mortuus 1690 aut 1691) fuit sculptor aetatis Baroci.

Vita recensere

Ioannes Baptista Barberini natus Laini, in Valle Intelvi, circiter anno 1625, in ambitu familiari eruditus est.

Primum opus ei adscriptum (quamvis per coniecturam) est apparatus altaris maioris ecclesiae paroecialis Sancti Michaelis in Biume Inferiore (pars civitatis Baretii) anno 1645. Alia opera, quae adulescentia fecit, in provincia Novocomensi et in Helvetia inveniuntur, ut puta Sibyllae et Prophetae in ecclesia Sanctorum Petri et Stephani Bilitione.

Anno 1666 fuit Cremonae, ubi in ecclesia Sancti Augustini toreuma altae prominentiae Passionem Christi demonstrans in homonymo sacello positum, necnon duodecim statuas patriarcharum prophetarumque in nave media positas creavit. Intra 1667 et 1669 se in Austriam contulit. Vindobonae ecclesiam Servitarum annis ab 1680 ad 1682 perfecit, praeterea annis ab 1680 ad 1683 in Austria Superiore, duce Ioanne Baptista Colomba, ecclesiam abbatiae Cremifanensis crustis parietum exornavit frontemque ecclesiae conformavit, Lentiae altare maius ecclesiae Iesuitarum constituit.

Alia opera ei adscripta sunt Genuae, Mantuae, Bononiae, et Comi.

Mortuus est 1690 aut 1691, quod die 2 Martii 1691 duae filiae eius, Ludovica Muttoni et Lucia, vidua Laurentii Aliprandi, heredidatem diviserunt.

Bibliographia recensere

  • Brun, Carl: Schweizerisches Künstler-Lexikon, vol. I., Nendeln, Lichtensteni 1967.
  • Conti, Pietro: Memoria storia della Val d'Intelvi, Comi 1896.
  • DBI VI, 1964, Dizionario Biografico degli Italiani, vol. 6, Instituto della Enciclopedia italiana, Romae 1964.
  • Fidler, Petr: Architektur des Seicento, Baumeister, Architekten und Bauten des Wiener Hofkreises, thesis doctoralis, Oeniponti 1990.
  • Hoffmann, Hans: Der Stuckplastiker Giovanni Battista Barberini (1625-1691), Abhandlung zur Erlangung der Doktorwürde der Philosophischen Fakultät I der Universität Zürich, Augustae Vindelicorum 1928.
  • Magni, Mariaclotilde: Giovanni Battista Barberini stuccatore lainese su "Comum", in: Festschrift Federico Frigerio, Comi 1964.
  • ÖKL V, 1979 (Nachtrag), Österreichisches Künstlerlexikon von den Anfängen bis zur Gegenwart, vol. 5, Vindobonae 1979 (Nachtrag).

Nexus externi recensere