ISO
(Redirectum de ISO 8601)
ISO est acronymum e nomine Anglico International Organization for Standardization factum. Designat Organizationem internationalem unificationis (Francogallice L'Organisation internationale de normalisation; Russice Международная организация по стандартизации), quae consociatio complurium pro normalizatione civitatum die 23 Februarii 1947 condita est.


Administratores huius organizationis in toto orbe terrarum rebus fabricarum, manufacturarum, negotiorum, mercatuum normas statuunt quae in Indice ISO colliguntur.
Linguae consociationis Anglica, Francogallica et Russica sunt. Et anno 2014, 164 civitates, inter quas IEEE e Civitatibus Foederatis, consociationem participant.
Sedes Genavae est.