Hallan Çemi
Hallan Çemi est locus archaeologicus a Batman Turciae fere 50 chm. ad septentrionem versus distans, denuo sub aquis molis Batman inundatus. Ibi annis 1991-1994 reperta sunt vestigia habitationis hominum Neolithicorum aevi aceramici ab anni fere 10 200 ad 9 200 a.C.n. frequentatae.
Ligna Fraxinus, Quercus, Prunus, Pistacia, Salix seu Populus et fortasse Frangula alnus ibi comburabantur. Vestigia repertae sunt leguminum Lens sp. et Vicia ervilia, fructuum Amygdalus sp., Pistacia sp., Bolboschoenus maritimus, Gundelia tournefortii. Nuces amygdalorum fortasse ad venenum expellendum, fructus Gundeliae tournefortii certe ad semina oleifera extrahenda ab incolis torreficiebantur.
Hic indicia fere antiquisssima recognita sunt domesticationis porcorum. Ossa ab archaeozoologis enumerata sunt aliorum animalium, sed silvaticorum, praecipue ovium, caprarum, Cervi elaphi, canis, Vulpis vulpis et V. corsac, Ursi arctos, Leporis capensis, Mauremys caspica. Multo pauciores Martes foina, Felis catus, Castor fiber, Erinaceus europaeus, Bos primigenius, pisces, aves reperti sunt.
Bibliographia recensere
- Serap Özdöl, "Çanak çömleksiz neolitik çağda guneudoğu Anadolu’da din ve sosyal yapi" in Tarih İncelemeleri Dergisi vol. 26 (2011) pp. 173-199
- Michael Rosenberg, "Hallan Çemi Tepesi: Some Further Observations Concerning Stratigraphy and Material Culture" in Anatolica vol. 20 (1994) pp. 121-140
- Michael Rosenberg, "Hallan Çemi" in M. Özdogan, N. Basgelen, eed., Neolithic in Turkey - The cradle of civilisation. New discoveries (1999) pp. 25-33
- Michael Rosenberg, R. [Mark?] Nesbitt, R. W. Redding, B. L. Peasnall, "Hallan Çemi, pig husbandry, and post-Pleistocene adaptations along the Taurus-Zagros Arc (Turkey)" in Paléorient vol. 24 (1998) pp. 25-41
- Michael Rosenberg, Mark Nesbitt, Richard W. Redding, Thomas F. Strasser, "Hallan Çemi Tepesi: some preliminary observations concerning early neolithic subsistence behaviours in eastern Anatolia" in Anatolica vol. 21 (1995) pp. 3-12
- Michael Rosenberg, M. Davis, "Hallan Çemi Tepesi, an Early Aceramic Neolithic Site in Eastern Anatolia: Some Preliminary Observations Concerning Material Culture" in Anatolica vol. 18, (1992) pp. 1-18
- Michael Rosenberg, R. W. Redding, "Hallen Çemi and early village organization in Eastern Anatolia" in I. Kuijt, ed., Life in neolithic farming communities (2000) pp. 39-61
- John Noble Wilford, "First Settlers Domesticated Pigs Before Crops" in New York Times (31 Maii 1994)
Nexus externi recensere
- "Hallan Cemi Tepe" apud Megalithic Portal
- "Hallan Çemi Tepesi" apud TAY Project