Habacuc

Habacuc (Habăcuc, m.; non inclinatur in casus ), Abacuc (Abăcuc), Abacum (Abăcŭm, Abăcī) vel Abachum (Abăchŭm, Abăchī) est praenomen masculinum Hebraicum (Hhabaqqûq), quod, ut veteres opinabantur (e vulgari potius interpretandi ratione) idem valet atque amplexus vel amplexator, seu lucta vel luctator. Graeci scripserunt Ἀμβακούμ vel Ἀμβακούκ, e quorum ratione Prudentius ponit Ambacum. In vulgata vero Sacrorum Bibliorum editione scriptum legimus Habacuc. Fuit propheta ex duodecim minoribus octavus; alter propheta hoc nomine appellabatur, qui ab angelo in aera elatus Danieli in lacum leonum coniecto cibum, quem messoribus parabat, Babylonem detulit. Hoc denique nomen fuit nobili Persae, filio Marii et Marthae, fratri Audifacis, qui martyr occubuit.

Haec est pagina discretiva nominalis quae paginas de hominibus eiusdem fere nominis indicat.

In aliis linguis

• Anglice: Habakkuk, Habbakuk, Abacum, Abachum, Habacuc
• Arabice: حيقوق ,حبقوق‎
• Babylonice: Havakuk
• Bohemice: Abakuk
• Catalane: Habacuc
• Dacoromanice: Habacuc, Avacum
• Danice: Habakuk
• Esperantice: Ĥabakuk, Ĥabakuko
• Francice: Abacum, Habacuc, Habaquq
• Germanice: Habakuk
• Graece: Aμβακούμ, Αβακούμ, Αμβακουμ
• Hebraice: חֲבַקּוּק ,חבקוק (Ḥavaqquq, Ḥăḇaqqûq, Hăbaqqūq)
• Hispanice: Habacuc
• Indonesice: Habakuk, Havakuk
• Italiane: Abacuc, Abacùc, Abacucco, Abaco
• Lithuanice: Abacuc
• Lusitanice: Habacuque
• Malaice: Habakuk, Havakuk
• Neograece: Αββακούμ, Αβακούμ, Αμβακούμ
• Nederlandice: Abachum, Habakkuk, Habakuk
• Polonice: Habakuk
• Russice: Авва́кум, Аввакум
• Serbice: Авакум
• Sicule: Àbbacu
• Slovenice: Habakuk, Abakuk
• Suecice: Habackuk
• Ucrainice: Авакум
• Vasconice: Habakuk

Homines

• Habacuc, unus duodecim prophetiarum minorum
• Habakkuk Guldin, verum nomen Pauli Guldini, mathematici astronomique Helvetici.
• Avvakum Petrov, priscus pontifex Ruthenicus
• Abacum, sanctus Ecclesiae Catholicae Romanae

Bibliographia

• Carolus Egger, Lexicon nominum virorum et mulierum, societas libraria «Studium», Romae, 1963