Gerardus Valck
Gerardus Valck (vulgo: Gerard Valck; Amstelodami anno 1651 aut 1652 natus; Amstelodami 21 Octobris anno 1726 mortuus) fuit saeculi aurei chalcographus, delineator, cartographus et artis operum mercator Nederlandicus.
Gerardus ValckObitus: 21 Octobris 1726; Amstelodamum
Patria: Res Publica Coniunctarum Provinciarum
Familia
Proles: Leonardus Valck
Biographia
recensere
Argentarii Leonardi Gerritsz. Valck filius, Mariam Bloteling, chalcographi Abrahami Bloteling sororem, in matrimonium duxit[1], qui probabiliter etiam eius magister fuit[2]. De 1670 usque ad 1726 domi laboravit[1]. Ab anno 1673 usque ad 1680 etiam Londinii laboravit, Davidis Loggan sollicitudine[1], a Londinio ad Amstelodamum et retrorsum iens[1]. Anno 1680 fere[1] aut 1673[3], eius soror Agatha Petro Schenk nupsit et postea eius filius Leonardus unam e Schenk filiis in matrimonium duxit[1].
Praecipue genera argumenta effigiavit et effigies perfecit[1]. Rationis atrae artem adhibuit: Amor dormiens a Guidonis Reni pictura eius istius modi prima chalcographia fuit[1][4]. Septem et sexaginta[4] chalcographias perfecit, praesertim ab aliorum artificum operibus, inter quos Petri Lely[4][5], Gerardi de Lairesse et Philippi Tidemann, quae saepe ipse edidit[4]. Cum Abrahamo Bloteling, Davide Loggan, Petro Schenk (de 1686) et, postea, cum Petri filio, Leonardo[1] ac cum suo filio Leonardo Valck operam sociavit[4]. Etiam mapparum geographicarum volumina, tabulas geographicas, globos et domuum gentis Auriacae conspectuum, artium, fontanarum, caminorum atque avium imagines edidit[4]. Ex anno 1695, ad multorum colorum imagines topographicas efficiendum, chalcographiae artem a la poupée (pupae) adhibuit[3]. Die 24 Septembris eodem anno, enim, is et Petrus Schenk privilegium, ad imagines coloratas ac in coloris cinereis fuscisque efficiendum, adepti sunt[3], ut exempli gratia Vues et perspectives de Loo, Honselarsdyk et Soesdyk, Chateaux et Maisons de Plaisance du Roi de la Grande Bretagne, ausquelles on a ajoûté les veuës des environs de Cleve[3]. Non solum laminis a se ipso sculptis usus est, sed etiam aeris tabulas ab aliis editoribus comparavit, ut Ioanni Blaeu et Nicolao Visscher[6]. Romae, apud Antonium Lafreri, hic tractatus ortus est et gradatim Nederlandiae cartographiae occasum attulit[6].
Petrus Schenk eius discipulus fuit[1]. Ab Abrahamo Bloteling Valck adductus est, enim eius sectator putari potest[5].
Opera
recensere- Ioannis Churchill, I ducis Merlebrigiae effigies, chalcographia a Godfridi Kneller pictura (ratio atra), 1702-1720
- Arabiae Felicis, Petraeae et desertae nova et accurata delineatio, chalcographia
- Hortensiae Mancini effigies, chalcographia a Petri Lely pictura, 1678
- Novus planiglobii terrestris per utrumque polum conspectus, chalcographia ex lamina ab Ioanne Blaeu sculpta, 1695[7]
- Alienorae Gwyn effigies, chalcographia a Petri Lely, 349 mm x 254 mm[8]
- Ioannis Maitland, I ducis Lauderdale effigies, chalcographia[9]
- Iacobi II, regis Angliae effigies, chalcographia a Petri Lely pictura (ratio atra), 197 mm x 143 mm, 1685-1688, apud Pinacothecam Patriam Effigierum, Londinii[10]
- Gulielmi III, regis Angliae effigies, chalcographia a Petri Lely pictura (ratio atra), 352 mm x 254 mm, apud Pinacothecam Patriam Effigierum, Londinii[11]
- Ludovicae de Kérouaille effigies, chalcographia a Petri Lely pictura (ratio atra), 240 mm x 190 mm, 1678, apud Pinacothecam Patriam Effigierum, Londinii[12]
- Margaritae Tudor effigies, chalcographia a Hadriano van der Werff, 380 mm x 226 mm, 1672, apud Pinacothecam Patriam Effigierum, Londinii[13]
- Mariae Estensis effigies, chalcographia a Petri Lely pictura, 197 mm x 140 mm, 1685-1688, apud Pinacothecam Patriam Effigierum, Londinii[14]
- Mauritii Nassoviae effigies, chalcographia a Hadriano van der Werff, 311 mm x 179 mm, apud Pinacothecam Patriam Effigierum, Londinii[15]
- Mariae II, reginae Angliae effigies, chalcographia (ratio atra), 352 mm x 257 mm, 1700-1725, apud Pinacothecam Patriam Effigierum, Londinii[16]
- Roberti Greville, IV Baronis Brooke effigies, chalcographia, 370 mm x 260 mm, 1678, apud Pinacothecam Patriam Effigierum, Londinii[17]
Notae
recensere- ↑ 1.00 1.01 1.02 1.03 1.04 1.05 1.06 1.07 1.08 1.09 Rijksbureau voor Kunsthistorische Documentatie
- ↑ Biografisch Woordenboek der Nederlanden
- ↑ 3.0 3.1 3.2 3.3 Printing Colour 1400-1700: History, Techniques, Functions and Receptions
- ↑ 4.0 4.1 4.2 4.3 4.4 4.5 National Portrait Gallery
- ↑ 5.0 5.1 A History of Engraving and Etching
- ↑ 6.0 6.1 History of Cartography
- ↑ Novus planiglobii terrestris per utrumque polum conspectus - Communia
- ↑ Alienorae Gwyn effigies - Communia
- ↑ Ioannis Maitland, I ducis Lauderdale effigies - Communia
- ↑ Iacobi II, regis Angliae effigies - Communia
- ↑ Gulielmi III, regis Angliae effigies - Communia
- ↑ Ludovicae de Kérouaille effigies - Communia
- ↑ Margaritae Tudor effigies - Communia
- ↑ Mariae Estensis effigies - Communia
- ↑ Mauritii Nassoviae effigies - Communia
- ↑ Mariae II, reginae Angliae effigies - Communia
- ↑ Roberti Greville effigies - Communia
_Gwyn_by_Gerard_Valck,_after_Sir_Peter_Lely.jpg){kind=link}
Bibliographia
recensere- "Gerard Valck (1651 or 1652-1726)". National Portrait Gallery. 2015
- "Gerard Valck". Rijksbureau voor Kunsthistorische Documentatie. 2015
- Abraham Jacob van der Aa; Karel Johan Reinier van Harderwijk;Gilles Dionysius Jacobus Schotel (1876). J.J. van Brederode. ed. Biografisch Woordenboek der Nederlanden. vol.XIX°. Harlemi. pp. 10-11
- Arthur M. Hind (2011). Dover Publications Inc.. ed. A History of Engraving and Etching. Novi Eboraci. pp. 266. ISBN 0-486-20954-7
- Ad Stijnman; Elizabeth Savage. Brill. ed. Printing Colour 1400-1700: History, Techniques, Functions and Receptions. Lugduni Batavorum. p. 207. ISBN 978-90-04-26968-2
- Leo Bagrow. Transaction Publishers. ed. History of Cartography. Londinii. p. 184-270. ISBN 978-1-4128-1154-5
Nexus externi
recensere
|
Vicimedia Communia plura habent quae ad Gerardum Valck spectant. |