Fretum Sannikovii
Fretum Sannikovii[1] est fretum internum archipelagi Sibiriae Novae; insulam Cortinae ceterasque insulas Anjou et insulas Liachovenses separat, mare Lapteviorum et mare Sibiricum Orientale coniungit. Ad Iacutiam rem publicam Russiae pertinet. Latitudinem minimam 55 chm habet, longitudinem circa 238 chm, altitudinem minimam 24 m. Pars est Cursus marini Borealis et locus huius cursus minimae altitudinis est. Etiam cum a glacie continua liberum est, glacies rupta in freto natat.
Nomine Iacobi Sannikov ab anno 1935 nominatur; antea nomen Victoris Katin-Iartsev habuit, medici expeditionis Eduardi de Toll. Statio polaris "Fretum Sannikovii" ad introitum in fretum sita est.
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Санникова, пролив.
Nexus externi
recensere
|
Situs geographici et historici: Locus: 74°30′0″N 140°0′0″E • GeoNames • Большая российская энциклопедия |