Ordo Carmelitarum Discalceatorum

Ordo Carmelitarum Discalceatorum (= monachi) sive Discalceatarum (= moniales) (sigla: OCD) est ramus Carmelitarum reformatus, qui anno 1562 Sancta Teresia Abulensi (1515–1582) et Ioanne a Cruce (1542–1591) auctoribus ortus est, cum ordinem ad fontes reducere studerent.

Historia

Die 24 Augusti 1562 primum monialium discalceatarum monasterium Sancto Iosepho dicatum conditum est. Anno 1568 Teresia Abulensis in Duruelo una cum Ioanne a Cruce primum conventum "Fratrum discalceatorum" fundavit.

Rami ordinis

Ramus monachorum: Ordo Carmelitarum Discalceatorum
Ramus monialium: Ordo Carmelitarum Discalceatarum
Variae congregationes tertii ordinis
Instituta saecularia
Laicorum Fraternitas Scapularis

Anno 1990 in 60 terris circiter 3 700 fratres et in fere 80 terris circiter 11 400 moniales ordinis fuerunt. Carmelitae discalceati igitur sunt maximus ordo contemplativus Ecclesiae Catholicae.

Ramus ordinis antiquius Ordo Carmelitarum Calceatorum (sigla: OCC vel OCarm) nominatur.