Calmuccia

Calmuccia^[1] nunc est subiectum Foederationis Russicae, anno 1920 ut regio autonoma creata, et ab anno 1992 officiale Res Publica Calmuccia (Russice Республика Калмыкия, Calmuccice Хальмг Таңһч) nominatur. Anno 2000 inclusa est in Districtum Foederalem Meridianum Foederationis Russicae.

Calmuccia, cum re publica Daghestania in meridie, territorio Stauropolitano in meridie-occidente, regione Rostoviensi in occidente, regione Volgogradensi in septentrio-occidente et regione Astrachanensi in oriente contermina, aream 74 731 chm² et circa 281 milia incolarum (anno 2015) habet. Gentes plurimae sunt Calmucci^[2] (53,3 % anno 2002) et Russi (33,6 % anno 2002). Linguae publicae sunt Russica et Calmuccica. Metropolis Calmucciae est Elista.

Calmuccia clara est prout sola civitas apud regiones Russicas cuius pars magna populi sunt Buddhistae (et unica civitas Europae Buddhistica) et propter industriam scaccarium.

Steppa rei publicae partem amplissimam tegit. Rha flumen rem publicam tangit; depressio Kumo-Manyczensis cum fluminibus Manycz Orientali, Manycz Occidentali et Kuma (quae per confinium cum Daghestania fluit) in parte meridionali rei publicae sita est.

Notae

Nexus externi

Vicimedia Communia plura habent quae ad Calmucciam spectant.

Situs geographici et historici: Locus: 46°34′0″N 45°19′0″E • OpenStreetMap • GeoNames • Store norske Lexikon • Большая российская энциклопедия

[1] Th. S. Bayer, Elementa Brahmanica, Tangutana, Mungalica // Commentarii Academiae scientiarum imperialis Petropolitanae, tomus IV., p. 241; C. a Linné, Systema naturae per regna tria naturae..., tomus I., pp. 158, 269

[2] Bayer, ibidem. Vel Calmuci.

[1]

[2]