Boris Golicyn

Boris Boris filius Golicyn seu Galitzine (Russice Борис Борисович Голицын, tr. Boris Borisovič Golicyn; 2 Martii 1862 – 17 Maii 1916) erat physicus et geophysicus Russicus, unus e conditoribus seismologiae, academicus Academiae Scientiarum Petropolitanae (ab anno 1908).

Boris Golicyn

Res apud Vicidata repertae:

Boris Golicyn: imago

Nativitas: 18 Februarii 1862; Petropolis
Obitus: 4 Maii 1916; Petri Aula
Patria: Imperium Russicum

Familia

Genitores: Boris Golitsyn; Mariya Kusheleva
Familia: Galitzine

Memoria

Sepultura: Nikolskoe Cemetery of Alexander Nevsky Lavra

Vita et opera

Golicyn, qui anno 1886 in Academia Navali Petropolitana, et anno 1890 in Universitate Argentoratensi studia sua complevit, annis 1891–1893 in Universitate Moscuensi, annis 1894–1914 in Academia Navali, annis 1897–1908 in Instituto Medico Femineo Petropolitano, et annis 1909–1916 in Cursibus Femineis Supremis 'Bestuževianis' docebat.

Opera eius scientifica principalia dedicata sunt theoriae radiationis thermalis, theoriae conditionis criticae materiae, seismologiae, opticae atque radiatione Roentgenica. In seismologia Golicyn notus est quia theoriam constructionemque seismographorum electrodynamicorum elaboravit atque eos ad usum introduxit, etiam nonnulla problemata seismologiae theoreticae solvit. Explorationes seismicas ad studium structurae internae Telluris adhibere incepit.

Anno 1911 praeses Associationis Seismicae Internationalis electus, anno 1913 director Observatorii Physici Principalis Russici factus est. Ab anno 1916 socius Regalis Societatis Londini fuit.

Fons

• Pagina de Boris Golicyn Encyclopaediae Sovieticae Magnae editionis tertiae (Russice)

Nexus externi

Vicimedia Communia plura habent quae ad Boris Golicyn spectant.

• Alexius Krylov, In memoriam ducis B. B. f. Golicyn (Russice)