Bernardus Silvestris

Bernardus Silvestris,^[1] vel Bernardus Turonensis (circa annum 1085 natus; circa 1160 mortuus), fuit theologus, philosophus, scriptor, et poeta Latinus, qui in Francia aevo medio floruit. Fortasse Turoni natus, scholae Carnotensis propinquus fuit, usque ad saeculum undevicesimum cum Bernardo Carnotensi^(en) a viris doctis confusus. Platoni placitis favebat.

Inter libros sine dubio a Bernardo conscriptos numerantur Cosmographia, opus prosimetricum,^? Theodorico Carnotensi dedicatum, quod plenam mundi hominisque descriptionem neoplatonismo similem dat, et Mathematicus, distichis elegiacis de fortuna et praedestinatione compositus. Tractatus nomine Experimentarius videtur versio cuiusdam textus Arabici cum praefatione Bernardi. Fortasse commentaria in Aeneidem et in Martianum Capellam atque ad Timaeum Platonis composuit, sed haec opera deperdita sunt.

Notae

↑ Francogallice Bernardin le Sauvage, ut eum Henricus d'Andeli^(fr) in Pugna septem artium nominat.

Editiones

Cosmographiae editio anni 1876, Barnach et Wrobel.
Cosmographia, ed. Peter Dronke. Lugduni Batavorum: Brill, 1978.
Mathematicus (ed. et versio Anglica a Deirdre M. Stone facta)

Nexus externi

Lexica biographica: Gran Enciclopèdia Catalana • Deutsche Biographie • Treccani •

Cosmographiae editio nova.
De Bernardo Silvestri in Encyclopaedia Catholica.
Manuscripta operum Bernardi in MLO.

[1] Francogallice Bernardin le Sauvage, ut eum Henricus d'Andeli^(fr) in Pugna septem artium nominat.

[1]