Basilius IV Suiscius

Basilius Ioannis filius Suiscius (Russice Василий Иванович Шуйский/Vasilij Ivanovich Shuiskij), die 22 Septembris 1552 Novogardiae Inferioris natus et die 12 Septembris anno 1612 in Gostynin mortuus, fuit Moscovita nobilis et ab anno 1606 ad annum 1610 tzar Basilius IV.

Basilius IV Suiscius

Res apud Vicidata repertae:

Basilius IV Suiscius: imago

Nativitas: 1552; Novogardia Inferior
Obitus: 12 Septembris 1612; Gostynin
Patria: Regnum Russicum

Familia

Genitores: Ivan Shuysky;
Coniunx: Maria Buynosova-Rostovskaya, Yelena Repnina
Proles: Anastasiya Vasilyevna
Familia: Shuysky

Memoria

Sepultura: Ecclesia cathedralis Michaelis Archangelis Moscuensis

Vita et opera

Annis a 1581 ad 1587 variis in bellis exercitui praefecit. Anno 1591 investigationem de morte Demetrii tzaris filii ducebat et Demetrium ipsum in cultrum cecidisse declaravit; sed anno 1606, cum Basilius tzar coronatus esset, statim Demetrium a Boriso Godunov occisum proclamavit. Tzar electus est a nobilitate Moscuensi post tumultum, quo Pseudodemetrius I deiectus erat, sed mox, anno 1607 Pseudodemetrius II Starodubi se regem declaravit; annis autem 1606 et 1607 seditio Ioannis Bolotnikov pacem prohibuit. Anno 1610 a Septem nobilibus dictis (Russice Семибоярщина) Basilius deiectus est et exercitui Polono transmissus, ubi captivus usque ad mortem vixit. Septem nobiles autem Vladislaum regis Poloni filium tzarem futurum esse voluerunt, qui tamen Moscuam non venit et solum anno 1613 tzar novus Michael Romanov electus est.

Nexus externi

Vicimedia Communia plura habent quae ad Basilium Suiscium spectant.

Antecessor: Pseudodemetrius I

Tzar et magnus dux totius Russiae 1606-1610

Successor: Aetas turbida, Michael Romanov