Atlas (mons)

Atlas (Berberensi Idurar n Watlas, Arabice جبال الأطلس‎) est mons perpetuus qui trans Africam Septentrionalem circa 2500 chiliometra per Marocum, Algeriam, Tunisiam patet. Summus mons est Toubkal, circa 4167 m supra maris aequor, in Maroco meridio-occidentali situm. Mons perpetuus litora Mediterraneum et Atlanticum a Sahara separat. Plurimae incolae sunt Berberenses^?. Nomina montis in nonnullis linguis Berberensibis, adrar et adras, putantur cognata huius toponymi esse.

Toubkal, mons in Vivario Nationale Toubkal in Atlante Alto situs

Conlocatio Atlantis Montium (colore rubro) trans Africam Septentrionalem

Conlocatio Atlantis trans Africam Septentrionalem.

Habitant his in montibus multae plantarum animaliumque species in Africa unicae, saepe specierum Europaearum similiores, multae periclitatae, nonnullae iam exstinctae. Inter eas sunt Macaca sylvanus (Cercopithecidae), Ursus arctos crowtheri (sola Ursidarum species in Africa endemica; nunc exstincta), Panthera pardus panthera (Felidae), Cervus elaphus barbarus (Cervidae), Ammotragus lervia (Bovidae), Panthera leo leo (Felidae, exstincta in locis feris), meles Atlantica (Mustelidae), Loxodonta africana pharaoensis (Elephantidae, exstincta), Bos primigenius mauretanicus (Bovidae, exstinctus), Gazella cuvieri (Bovidae), Geronticus eremita (Threskiornithidae), Cinclus (Cinclidae), Vipera monticola (Viperidae), Cedrus atlantica et Pinus nigra (Pinaceae), et Quercus canariensis (Fagaceae).

Geologia

Saxum principale (Anglice basement rock) plurimi Africae, aevo Praecambriano (abhinc circa annorum 4.54–0.57 billiones) formatum, Atlantibus est multo vetustius. Atlas ipse per tria insequentia historiae Telluris tempora conformatus est.