Ariel Sharon

Ariel Sharon (natus Ariel Scheinermann in Kfar Malal die 27 Februarii 1928; mortuus in Tel Hashomer, Ramat Gan die 11 Ianuarii 2014) fuit generalis et politicus Israelianus, qui ab anno 2001 ad annum 2006 Israelis primus minister fuit. A die 6 Ianuarii 2006 propter ictum in sopore erat.

Ariel Scharon (anno 1998)

Biographia

Ariel Sharon, cuius nomen familiae Scheinermann fuerat, totam vitam suam patriae devovit. Natus est in Palaestina anno 1928 Britannis imperantibus, ex familia profugorum Iudaicorum qui ex Russia Alba Terram Promissam petiverant; bello contra Iordanos milites anno 1948 animose interfuit, deinde stipendia continenter meruit usque ad bella annis 1967 (Bellum Sex Dierum) et 1973 (Bellum Kippurense) pugnata, res gestas tanta virtute ducens ut "Dei Leo" appellaretur. Illo tempore etiam reipublicae administrandae se dicavit, sellam senatoriam obtinens pro factione dextera Likud.

Anno 1982 ut minister rei bellicae Libanum occupari iussit, armatos Societatis ad Liberandam Palaestinam (OLP) prosequens qui Beryti et in Libano meridionali confugerant; mense Septembri eiusdem anni perpetrata est caedes immanis Palaestinensium a militiis Christianis in oppidis Sabra et Shatila, exercitu Israëliano conscio: quod plerisque studiosis labes Arielis Sharon putatur.

Anno 2000 die 28 Septembris cum magna turba deambulavit in loco Hierosolymitano et Iudaeis et Muslimis sacrato, quem alteri Montem Templi (Har haBáyit) alteri Meschitam Extremam (al-Masjid al-Aqsa) appellant: inde vehemens rebellio Palaestinensium exorta est, cui ipse anno subsequenti ut minister primarius finem imponere conatus est. Postea longum murum defensionis causa exstruendum curavit iuxta fines regionis cis Iordanem flumen; anno 2005 inexspectate copias colonosque Israëlianos ex Gazae zona revocavit, dissensiones in asseclas suos suscitans.

Eodem anno partem Likud dereliquit, novam factionem moderatiorem Kadima vocatam condens. Sed inopinate graviter affectus, in nosocomio sui inconscius usque ad hunc diem mansit.

Post diuturnum coma die 11 Ianuarii 2014 obiit anno 85 vitae suae agens Ariel Sharon, qui ante octo annos ictu cerebri, dein cerebri haemorrhagia percussus erat neque amplius ab illo die convaluerat, vivus suique inconscius.

Bibliographia

• Robert Assaraf, Ariel Sharon et ses batailles politiques. Lutetiae: J.-C. Gawsewitch, 2006. ISBN 2-35013-064-9
• Uri Dan, Ariel Sharon: an intimate portrait. Londinii: Palgrave Macmillan, 2006. ISBN 1-4039-7790-9
• Freddy Eytan, Sharon: le bras de fer. Lutetiae: Picollec, 2006. ISBN 2-86477-221-3
• Norman H. Finkelstein, Ariel Sharon. Minneapoli: Lerner, 2005. ISBN 0-8225-9523-0 (Paginae selectae apud Google Books)
• Nir Hefez, Gadi Bloom, הרועה - סיפור חייו של אריאל שרון . Tel Aviv, 2005. ISBN 965-511-202-0
  • — ; Mitch Ginsburg, interpr., Ariel Sharon: A Life. Novi Eboraci: Random House, 2006. ISBN 1-4000-6587-9
• Baruch Kimmerling, Politicide: Sharon’s War Against the Palestinians. Londinii: Verso, 2003. ISBN 978-1-85984-517-2 (Paginae selectae apud Google Books)
• Luc Rosenzweig, Ariel Sharon. Lutetiae: Perrin, 2006. ISBN 2-262-02411-1
• Ariel Sharon, David Chanoff, Warrior: The Autobiography of Ariel Sharon. Novi Eboraci: Simon & Schuster, 2001. ISBN 0-671-60555-0
• Gilad Sharon, שרון: חייו של מנהיג . Tel Aviv, 2011
  • — ; Mitch Ginsburg, interpr., Sharon: The Life of a Leader. Novi Eboraci: HarperCollins, 2011. ISBN 978-0-06-172150-2

Nexus externi

Vicimedia Communia plura habent quae ad Ariel Sharon spectant.

• Ariel Sharon - Life Story (Anglice)
• Situs officialis (Hebraice)
• Vita apud Ministerium Rerum Externarum Israëlis

Primi ministri Israëlis

David Ben-Gurion 1948 • Moyses Scharet 1953 • David Ben-Gurion 1955 • Levi Eschkol 1963 • Golda Meir 1969 • Isaac Rabin 1974 • Menachem Begin 1977 • Isaac Shamir 1983 • Simon Peres 1984 • Isaac Shamir 1986 • Isaac Rabin 1992 • Simon Peres 1995 • Beniaminus Netanjahu 1996 • Ehud Barak 1999 • Ariel Sharon 2001 • Ehud Olmert 2006 • Beniaminus Netanjahu 2009 • Nephtali Bennett 2021 • Iairus Lapid 2022 • Beniaminus Netanjahu 2022 דוד בן-גוריון • משה שרת • דוד בן-גוריון • לוי אשכול • גולדה מאיר • יצחק רבין • מנחם בגין • יצחק שמיר • שמעון פרס • יצחק שמיר • יצחק רבין • שמעון פרס • בנימין נתניהו • אהוד ברק • אריאל שרון • אהוד אולמרט • בנימין נתניהו • ‏נפתלי בנט‏‎ • יאיר לפיד • בנימין נתניהו Opus geopoliticum • Gubernatores civitatum Asiaticarum hodiernarum Capsae cognatae: Praesides Israëlis • Ministri rerum externarum • Ministri munitionis • Ministri eruditionis

Ministri rerum externarum Israëlis

Moyses Sharett 1948 • Golda Meir 1956 • Abba Eban 1966 • Yigal Allon 1974 • Moyses Dayan 1977 • Isaac Shamir 1980 • Simon Peres 1986 • Moyses Arens 1988 • David Levy 1990 • Simon Peres 1992 • Ehud Barak 1995 • David Levy 1996 • Ariel Sharon 1998 • David Levy 1999 • Salomon Ben-Ami 2000 • Simon Peres 2001 • Beniaminus Netanjahu 2002 • Silvan Shalom 2003 • Tzipi Livni 2006 • Avigdor Lieberman 2009 • Beniaminus Netanjahu 2012 • Avigdor Lieberman 2013 • Beniaminus Netanjahu 2015 • Israel Katz 2019 • Gabriel Aškenazi 2020 • Iairus Lapid 2021 • Eli Cohen 2022 • Israel Katz 2024 משה שרת • גולדה מאיר • אבא אבן • יגאל אלון • משה דיין • יצחק שמיר • שמעון פרס • משה ארנס • דוד לוי • שמעון פרס • אהוד ברק • דוד לוי • אריאל שרון • דוד לוי • שלמה בן עמי • שמעון פרס • בנימין נתניהו • סילבן שלום • ציפי לבני • אביגדור ליברמן • בנימין נתניהו • אביגדור ליברמן • בנימין נתניהו • ישראל כץ‎ • גבריאל אשכנזי • יאיר לפיד • אלי כהן • ישראל כץ‎ Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Israëlis