Nephtali Bennett
Nephtali Bennett
Patria: Israel
Officium
Munus: Negotiator, politicus
Patronus: Soluto
Consociatio
Familia
Memoria
Nephtali Bennett, litteris Hebraicis נפתלי בנט Naftālī Beneṭ (Hephae in urbe die 25 Martii 1972 natus), est politicus Israëlis.
Parentes Hephae habitantes, e Franciscopoli Californiae migrati, Aschenates origine fuerunt. Nephtali, Hephae educatus (sed breve temporis spatium Monte Regii Quebeci et Teaneck Novae Caesareae), alumnus est Universitatis Hebraicae Hierosolymitanae, sed studiis non iam inceptis sex annos in exercitu Israëlitico non sine virtute militaverat. Ab anno 2000 aliquot annos Manhatae habitavit, dum societatem informaticam Cyota gerebat, quam anno 2005 magno lucro vendidit. In Israëlem iam reditus, ab anno 2006 duos annos consiliarius iuxta Beniaminus Netanyahu laboravit. Legatus est congressu nationali (Knesset) ab anno 2012. Minister oeconomiae et religionis Iudaicae ab anno insequenti, minister eruditionis ab 2015, minister munitionis ab 2019 meruit, primo ministro Netanyahu; qui die 13 Iunii 2021 ab officio decedente, eo die elevatus est, pacto inter factiones accepto quo officium primi ministri alternaretur inter eum Iairumque Lapid: cui ergo die 30 Iunii 2022 cedit.
BibliographiaRecensere
- Gil Hoffman, "Bennett announces plan to form gov't with Lapid that will oust Netanyahu" in Jerusalem Post (30 Maii 2021)
- Oren Kessler, "The Meaning of Israel’s First Religious Prime Minister" (7 Iunii 2021) apud FP
- Liel Leibovitz, "Zionism’s New Boss" in Tablet (14 Ianuarii 2013)
- Bethan McKernan, "Putin promised me he would not kill Zelenskiy, says former Israeli PM" in The Guardian (5 Februarii 2023)
- Allison Kaplan Sommer, "Naftali Bennett’s American Parents Are Kvelling With Pride" in Haaretz (8 Ianuariii 2013)
- Karl Vick, "An Hour with Naftali Bennett: Is the Right-Wing Newcomer the New Face of Israel?" Time, 18 Ianuarii 2013.
Nexus externiRecensere
|
|
Lexica biographica: • Store norske leksikon |
