Aphasia

Aphasia dicitur, si facultas linguam antea quaesitam loquendi comprehendive, detrimento nervorum causa - ut apoplexia cerebri sive tumore sive inflammatione sive degeneratione - vel in parte evanuit vel absolute perdita est. Semper aphasia vulnere cerebri causa, praecipue post apoplexiam, effecta est. Alia vulnera cerebralia aphasiam efficiendi sunt tumores intracerebrales, contagiones parenchymatis cerebri, traumata craniocephalica. Non raro uno genere damna legendi (dyslexia/alexia), scribendi (dysgraphia/agraphia), computandi (dyscalculia/acalculia), motuum (dyspraxia/apraxia) observantur.

Cave: notitiae huius paginae nec praescriptiones nec consilia medica sunt.

Regiones cerebri frontotemporales latere sinistro cum aphasia nexae.

Quattuor aphasiae genera principalia descripta sunt:

• Aphasia Brocalis
• Aphasia Wernickensis
• Aphasia amnestica
• Aphasia globalis

Sequitur, ut aphasia et morbus proprius et signum morbi esse possit.

Etymologia

Verbum de Graeca ἀφασία, malum linguae, derivatur.

Pathophysiologia

Semper aphasia effectus damnum cerebri est, imprimis frontotemporalis, latere sinistro. Damnum hoc non solum in cortice (damnum corticale) sed etiam profundius ut in thalamo (damnum subcorticale) observatur.

Damnum corticale

Affectae sunt regiones corticales sinistrae, quae pars corticis acustici informationem linguisticam aurium recipiunt emittuntque ad plicas vocales, linguam, musculos oris.

Classificationes

Aphasia non argumento singulari sequitur, vero varia mala concipit - nimirum in medicina evolvabantur classificationes variae.

Nexus interni

• Aphasia progressiva primaria
• Aphasia progressiva logopenica
• Aphasiologia
• Alexander Luria
• Alexia
• Mutitas

Nexus externi

• National Aphasia Association: situs interretialis principalis (Anglice)

stipula

Haec stipula ad medicinam spectat. Amplifica, si potes!