Ziziphus spina-christi
Ziziphus spina-christi (binomen post Linnaeum a Renato Louiche Desfontaines anno fere 1798 statutum) est arbor spinosa fructifera cuius bacae comeduntur. Ab Africa Septentrionali ad Pakistaniam et Indiam boreo-occidentalem sponte gignitur. Lingua Latina communi haec arbor lotus interdum appellatur, sed idem nomen pluribus speciebus applicatur.
Fructus huius speciei in sepulcro Hemaka aulico Aegyptio, qui anno circiter 2 950 a.C.n. vivebat,[1] et in sepultura Saqqāra 3477 feminae nobilis fere eodem tempore mortuae reperti sunt.
Haec arbor, nomine Graeco παλίουρος "paliurus", a Theophrasto describitur, qui his verbis arbores in Libya et Aegypto crescentes refert: "Paliurus fruticis formam magis habet quam lotus; folium simile folio nostratis, fructus autem diversus: non enim latus, sed rotundus ac ruber,magnitudine fructum cedri aequansaut paullo superans: nucleum continet qui non una comediturmodo acinorum punicae: ceterum dulcis est atque vino infuso et vinum dulcius reddere et ipsum dulciorem fieri aiunt."[2] Arborem bis Alcoranus refert. Sura LIII versibus 14-16 propheta deum vidisse dicitur "iuxta Lotum termini(en)", scilicet ad limites caeli et telluris.[3] Sura LVI versibus 15-41 describuntur epulae benedictorum inter lotos sine spinis et musas (ṭalḥ) bene dispositas celebrantium.[4]
E ramis eiusdem speciei spinea corona(en), quam milites capiti Iesus imposuerunt,[5] plectam esse coniicitur, unde nomen speciale "spina-christi" a Linnaeo impositum. Ibn Sīda, qui medio saeculo XI floruit, auctor est mulieres Aegypti et Syriae sensu lato comas ope surculorum huius arboris pectere.[6]
Notae
recensere
- ↑ Walter B. Emery, Zaki Yusef Saad, Excavations at Saqqara: the tomb of Hemaka (Cairi: Government Press, 1938); William J. Darby, Paul Ghalioungui, Louis Grivetti, Food: gift of Osiris (Londinii: Academic Press, 1977) p. 702
- ↑ Theophrastus, Historia plantarum 4.3.3
- ↑ Textus surae LIII Arabice et Latine
- ↑ Textus surae LVI Arabice et Latine
- ↑ Marc. 15.17 etc.
- ↑ Ibn Sīda, Kitāb al-Mukhaṣṣaṣ vol. 11 p. 195 (editionis Cairensis); Dafni et al. (2005) nota 28
Bibliographia
recensere- Fontes antiquiores
- 1597 : John Gerard, The Herball, or generall historie of plantes. Londinii: John Norton p. 1318
- 1629 : John Parkinson, Paradisi in sole paradisus terrestris (Londinii: Humphrey Lownes) p. 607 "paliurus: Christs thorne"
- Eruditio
- "Ziziphus spina-christi (L.) Willd." in Flora of Pakistan
- Amots Dafni, Shay Levy, Efraim Lev, "The ethnobotany of Christ's Thorn Jujube (Ziziphus spina-christi) in Israel" in Journal of Ethnobiology and Ethnomedicine vol. 1 (2005)
- René Louiche Desfontaines, Flora Atlantica (1798-1799) vol. 1 p. 201
- Mehdi Rajabi, Shokufeh Garusi, Hamid-Reza Moezzi, Zahra Nasir-Baghban, "Zizyphus spina-christi for the management of adult asthma" in European Respiratory Journal vol. 42 suppl. 57 (2013) Epitome[nexus deficit]
- Abdelaaty A. Shahat, Luc Pieters, Sandra Apers, Naglaa M. Nazeif, Nahla S. Abdel-Azim, Dirk Vanden Berghe, Arnold J. Vlietinck, "Chemical and biological investigations on Zizyphus spina-christi L." in Phytotherapy Research vol. 15 (2001) pp. 593–597 Epitome
- Amina Sirag Saied, Jens Gebauer, Karl Hammer, Andreas Buerkert, "Ziziphus spina-christi (L.) Willd.: a multipurpose fruit tree" in Genetic Resources and Crop Evolution vol. 55 (2008) pp 929–937 Epitome
Nexus interni
Nexus externi
recensere
|
Vicimedia Communia plura habent quae ad Ziziphus spina-christi spectant. |
|
Vide "Ziziphus spina-christi" apud Vicispecies. |
|
Situs scientifici: Tropicos • GRIN • Plant List • NCBI • Biodiversity • Encyclopedia of Life • Plant Name Index • IUCN Red List • Plantes d'Afrique • INPN France • Flora of North America |
- "Nutritional study on Ziziphus spina-christi" (1992) apud Eden Foundation
- "Zizyphus spina-christi" (2009) apud Agroforestree Database