Trogonoptera brookiana
Trogonoptera brookiana est papilio proprie niger et flavovirens, vulgo ornithoptera appellatus et in silvis pluvialibus Paeninsulae Thai-Malay?, Bornei, Natunarum, et parvarum insularum ad occidentem Sumatrae (Banyak, Simeulue?, Batu, Mentawai) endemica.
Ordo : Lepidoptera
Familia : Papilioninae
Genus : Trogonoptera
Species : T. brookiana
Species ex Iacobo Brooke, Raja Saravacensi appellato, ab Alfredo Russel Wallace naturalista Britannico anno 1855 appellatus est.
Descriptio
recensereAlae marium sunt nigrae, sed cuique alae anteriori sunt septem notae dentiformes et flavovirentes; alae posteriores, minores, etiam sunt nigrae, cum notis viridibus. Caput est sanguineum, corpus nigrum, notis rubris praeditum. Alae feminarum sunt fusciores, cum praestantibus notis albis in apicibus alarum anteriorum et in fundamento alarum posteriorum. Ambo sexus propinquae Troidis trojanae similes sunt, sed alae posteriores marium Troidis brookiana sunt viridiores.
Planta qua larvae plerumque vescuntur est Aristolochia foveolata. Adulti sucos fructuum et nectar florum sorbillant.
Troides brookiana est species protecta, in appendice II organizationis CITES perscripta—quod significat commercium internationale inhiberi.
Troides brookiana est nationalis Malaesiae papilio.
Bibliographia
recensere- www.cites.org Pagina "Convention on International Trade in Endangered Species of Wild Fauna and Flora) - Appendices" apud situm cites.org.
- Pagina "Trogonoptera brookiana (Raja Brooke's Birdwing)" apud situm butterflycorner.net.
- Photographemata, pelliculae, et cetera apud situm arkive.org.
- "Trogonoptera brookiana" apud situm nagypal.net.