Tribulum

Tribulum,^[1] sive tribula,^[2] est machina rustica plostello trahaeve similis quae equis tracta segetem sua vi triturat.^[3]

Varro ita hoc instrumentum describit:

Id fit e tabula lapidibus aut ferro asperata, quae cum imposito auriga aut pondere grandi trahitur iumentis iunctis, discutit e spica grana; aut ex axibus dentatis cum orbiculis, quod vocant plostellum poenicum; in eo quis sedeat atque agitet quae trahant iumenta, ut in Hispania citeriore et aliis locis faciunt. (De re rustica 1.52)

Hodie tribulum mechanicum tractorio vehitur.

Notae

↑ Varr. Rust. 1.22.1; 1.52.1; Plin. Nat. 18.298.
↑ Col. 2.20.4; 1.6.23; 12.52.7.
↑ Trivolum, forma vulgaris (CGL II 458.50), etiam apud Varronem (Lat. 5.21) invenitur. Varro autem etymologizandi causa hac forma utitur, docet enim trīvolum a terendo (et quidem stirpe trīv-) deductum esse.

Bibliographia

Olck, Franz (1905) Dreschen. RE VI A 2: 1700-1706.

Nexus interni

Nexus externus

Vicimedia Communia plura habent quae ad Tribulum spectant.

[1] Varr. Rust. 1.22.1; 1.52.1; Plin. Nat. 18.298.

[2] Col. 2.20.4; 1.6.23; 12.52.7.

[3] Trivolum, forma vulgaris (CGL II 458.50), etiam apud Varronem (Lat. 5.21) invenitur. Varro autem etymologizandi causa hac forma utitur, docet enim trīvolum a terendo (et quidem stirpe trīv-) deductum esse.

[1]

[2]

[3]