Thalia (Nereis)
Vide etiam paginam discretivam: Thalia (discretiva).
Thalia (Graece Θάλεια et Θαλίη, scil. "florens") in mythologia Graeca fuit una e Nereidibus, filiabus Nerei dei marini, e Doride genitis; enumeratur enim inter sorores et ab Hygino in libro cuius titulus est Fabulae,[1] et a Poëta in Iliade,[2] atque ab Hesiodo in Theogonia, ubi adiectivo ἐρόεσσα (scil. "amabilis") distinguitur.[3] Eadem sororitate ordinatur in libris manu scriptis peioribus Georgicon Vergilii.[4]
