Naria

Naria^[1] (Estonice Naissar) vel Terra Feminarum^[2] est insula sinus Finnici Estonica, prope ad Castra Danorum sita. Area insulae 18,6 chm² est (Estoniae insula sexta a maxima), incolas 35 nunc habet. Silva insulam operit et a Medio aevo silva Nariae ad aedificandum et naves construendum idonea nota est.

Vide etiam paginam discretivam: Naria (discretiva).

De nomine

Secundum fabulam Estonicam insula e mari olim emersa est cum femina incola; unde nomen Estonicum Naissaar "insulam muliebrem" significat. In Gestis Hammaburgensis ecclesiae pontificum Adami Bremensis quater^[3] quaedam Terra feminarum memoratur, quam Amazones boreales incolebant, quae Anundum filium Emundi regis Sueciae necaverunt; prope ad insulam Estlandiam Magnam terra ab Adamo memorata sita erat. Fama ad Adamo referta aliquo modo cum insula Estonica eodem nomine ligata esse videtur.

Saxum Lehtmetsa in Naria

Historia

Insula Danica et Suecica et Russica erat; Suedorum colonia usque ad annum 1940 Nariam incolebat. Pharus anno 1788 primo constructus est, postea munimenta varia Nariae aedificabantur. A die 17 Decembrus anni 1917 usque ad 26 Februarii 1918 Res publica Sovietica Nariae^(ru) in insula exsistebat. Ab anno 1918 Estonica.

Notae

↑ Lucae Aurigarii Speculum nauticum super nauigatione maris occidentalis, Lugduni Batavorum 1586, p. 24.
↑ Hoc nomen Estonicum significat, vide infra de Adamo Bremensi.
↑ III 15, IV 14, 17, 19.

Nexus externi

Situs geographici et historici: Locus: 59°34′0″N 24°31′0″E • OpenStreetMap • GeoNames

De Naria (Estonice)

[1] Lucae Aurigarii Speculum nauticum super nauigatione maris occidentalis, Lugduni Batavorum 1586, p. 24.

[2] Hoc nomen Estonicum significat, vide infra de Adamo Bremensi.

[3] III 15, IV 14, 17, 19.

[1]

[2]

[3]