Tempus adest floridum

Nulla Vicipaediae Latinae pagina huc annectitur.
Quaesumus in alias commentationes addas nexus ad hanc paginam relatos. Quo facto hanc formulam delere licet.

→ Interpretationes vernaculae

Tempus adest floridum est mediaevale carmen vernale, anno 1582 in Piis Cantionibus^(fr) editum.

Carmen est notabile quia melodia eius a clarissimo cantu natalicio Anglico Bonus rex Venceslaus^(en) (de Venceslao Bohemico) mutuata est.

Versus recensere

1. Tempus adest floridum,

surgunt namque flores,

Vernales in omnibus

imitantur mores,

Hoc, quod frigus laeserat,

reparant calores,

Cernimus hoc fieri

per multos labores.

2. Sunt prata plena floribus

iucundo aspectu,

Ubi iuvat cernere

herbas cum delectu,

Gramina et plantulae

hieme quiescunt,

Vernali in tempore

virent et adcrescunt.

3. Hae vobis pulchre monstrant

Deum creatorem,

Quem quoque nos credimus

omnium factorem;

Tempus ergo hilare,

quo laetari libet,

Renovato iam mundo

nos novari decet.

4. Terra ornatur floribus

et multo decore,

Nos honestis moribus

et vero amore,

Gaudeamus igitur

tempore iucundo,

Laudemusque Dominum

pectoris e fundo.

Nexus externi recensere

Tempus adest floridum in Hymnary,org
Tempus adest floridum in Lieder,net
Melodia (Youtube)

De hac re nexus intervici usque adhuc absunt. Adde, si reppereris.