Sublatio libramentorum est series exercitationum quibus homo musculos suos augere sperens libramentis utitur. Qua exercitatione homo vectem libramentis oneratum levat. Dein multis motibus sublevando fungitur, quo corporis musculi augeantur. Sublatio libramentorum generatim adhibetur ad corpus creandum plus potestatis habiturum. Etiam sanitatem pulchritudinemque corporis ampliare potest. Inter exemplaria exercitationum communia sunt sublatio a terra, sublatio super scamnum, sublatio super caput, sublatio super tergum. Sublatio libramentorum cum halteribus vel vecte libramenta tenente agitur. Athletae multi vel corpora sublevandis libramentis maiora aedificaturos se vel robur adepturos magnum sine incremento musculorum credunt, quoniam non semper necesse est musculo crescere ut ponderosa sublevare libramenta possit; sed plerumque quanto musculorum minus, tanto minus roboris corpori.

Vir vecte exercitio perfungitur uti musculi bracchiales crescant.

Species exercitationum recensere

Sublatio super tergum recensere

Sublatio super tergum est exercitatio apta augendis musculis in qua homo vectem libramentis oneratum ponderosis tenens super dorsum suum recumbit. Quo facto, homo rursus stat stabilitatem libramentorum sustentans; exinde fungitur multis actus motibus. Quae exercitato insignis difficultate totius musculos corporis vi resistentiae stimulare conatur ad corpus faciendum musculos maiores habiturum.

Sublatio a terra recensere

Sublatio a terra, vel a terra tractus (Anglice deadlift), est exercitatio in qua qui musculos corporis instigare vult vectem libramentis pergravibus oneratum a terra attollit et vectem tenens parumper constat. Exin vectis in terra rursus deponitur. Multae repetitiones actus plerumque sequuntur ad maximam musculorum stimulationem efficiendam. Quae exercitatio totum corpus bene stimulare potest, dum libramenta satis magna adhibeantur. Sublatio a terra praesertim agitur uti crurum tergique musculi augeantur.

Sublatio super scamnum recensere

Sublatio super scamnum (Anglice: Bench Press) est exercitatio in qua homo super scamnum iacens vectem libramentis oneratum super pectus suum levat. Quod exercitium aptum musculis augendis adhibetur ad bracchia ope resistentiae stimulanda.

Sublatio super caput recensere

Sublatio super caput (Anglice: Overhead Press vel Military Press) est exercitatio apta stimulandis musculis in qua homo vectem libramentis oneratum super caput suum sublevat. Exinde multae repetitiones actus generatim aguntur. Qua exercitatione homo vi resistentiae musculos suos stimulare conatur bracchiorum augendorum gratia. Hoc exercitium insigne difficultate quoque musculos corporis totius stimulare potest.

Instrumenta exercitationibus fungendis recensere

 
Opus tesselatum loci archaeologici Piazza Armerina. Mulieres halteribus utentes exhibet.

Halter est vectis brevis libramenta duo portans aptus musculis augendis. Quae libramenta sunt exercitationibus multis a hominibus musculos cupientibus maiores adhibita. Fibrarum stimulationem muscularium sequitur incrementum musculorum lentum, dum homo halteribus ponderosis sublevando utatur.

Nexus interni

Bibliographia recensere

Nexus externi recensere