Statinum

Statina, inhibitores quoque HMG-CoA reductasis notae, sunt grex lipoproteina minuentia, ideo hyperlipidaemiarum tractationis idonee, medicamentorum.

Cave: notitiae huius paginae nec praescriptiones nec consilia medica sunt.

Lovastatinum est statinorum substantia una.

Varia statina adhibentur, ut Atorvastatinum, Lovastatinum, Pravastatinum, Simvastatinum.

Machinatio statinorum

Contextus biochemicus enzymi HMG-CoA reductasis. Statina hoc enzymum obsident.

Statina enzymum hydroxy-methylo-glutarylo-coenzymi-A reductasis (HMG-CoA reductasis) inhibitores competitivi obsident. Eo modo statina cholesteroli synthesem inhibent, multitudo LDL in sanguine minuent. Non pronuper investigatores effectus adversarios ad metabolismum spectare quoque monebant, imprimis ad myopathiam statinis.

HMG-CoA reductasis

3-Hydroxy-3-methylo-glutarylo-coenzymi A reductasis est a NADH et NADPH dependens enzymum intra iter metabolicum acidi mevalonati, cuius duo producta sunt isopentenyli pyrophosphatum (IPP) et dimethyloallyli pyrophosphatum (DMAPP). Ambo formationis terpenoidorum (seu isoprenoidorum) necesse sunt, propterea terpenoida nidamentum plus quam 30,000 substantiarum chemicarum servant, non solum cholesteroli sed aliarum ut haemis, vitamini K, coenzymi Q₁₀ et omnium hormontum steroidalium.

Effectus non grati

Myopathia statinis sociata

Interdum hebdomadibus vel mensibus paucis, quo statinum consumebatur, imbecillitas musculorum observatur. Imbecillitas haec, myopathia dicta, motus corporis impedire queat, etiam renum functionem, si rhabdomyolysis (dissolutio structurarum musculorum) saeviat. Symptomata gravissima vel discontinuationem medicamenti pernecesse faciendi iubeat.

Substantiae

Statinum	Metabolimus	Semivita (h)
Atorvastatinum	CYP3A4	14—19
Fluvastatinum	CYP2C9	1—3
Lovastatinum	CYP3A4	1—3
Pravastatinum	non CYP	1—3
Rosuvastatinum	CYP2C9, CYP2C19	14—19
Simvastatinum	CYP3A4	1—3

Nexus interni

• Cholesterolum
• Mitochondrium