Stasi

Stasi vel recte Administerium securitatis publicae (Theodisce: Ministerium für Staatssicherheit) institutio exploratoria importuna atque famosa in Re publica democratica Germanica fuit. Nomen eius compendiarium Stasi magis notum est quam appellatio officialis.

Insigne

Sedes principalis Berolini

Historia

Institutio haec emissariorum fundata est anno 1950, anno autem 1989 nomen mutatum est ad Amt für nationale Sicherheit; mense Ianuario 1990 omnino abolita est. Cum anno 1989 exeunte Murus Berolinensis urbem non iam separaret, sedes otacustarum principalis a civibus Berolinensibus expugnata atque occupata est. Anno 1990 moderamen Germanicum, ut pristinae indagationes contra cives quam plurimae porro conserventur exhibentur explorentur, associationem quandam condidit, cui nomen BStU (compendiarie; nomen officiale en: Bundesbeauftragter für die Unterlagen des Staatssicherheitsdienstes der ehemaligen Deutschen Demokratischen Republik - officium documenta custodum secretorum Germaniae Orientalis curans). Dux istius associationis primus annis inter 1990 et 2000 Ioachim Gauck creatus est, quem postea praesidem foederalem elegerunt.

Ministri

• Gulielmus Zaisser: a mense Februario 1950 usque mensem Iulium 1953
• Ernestus Wollweber: a mense Iulio 1953 usque mensem Octobrem 1957
• Ericus Mielke: a mense Novembri 1957 usque mensem Novembrem 1989

Vide etiam

• Carcer Erfordiae

Nexus externi

Vicimedia Communia plura habent quae ad Administerium securitatis publicae spectant.

• Paginae BStU
• Museum de explorationibus secretis Berolini situm