Solanum aethiopicum

Solanum aethiopicum (binomen a Carolo Linnaeo anno 1756 statutum) est species plantarum florentium generis Solani et familiae Solanacearum, in Aethiopia fortasse nativa. In habitum fruticis inter 0.3 m et 1 m alti crescit, surculis foliisque glabrosis vel pubescentibus, fructibus natura rotundis, diametro inter 1.5 et 5 cm, sed per varietates cultas formam variabilem habentibus. Fructus per omnem annum producit. Species silvatica (praesertim perennis), e qua varietes cultae (praesertim annuae) S. aethiopici ortas esse censentur, S. anguivi nominatur.

---

Plantae — Angiospermae

Eudicotyledones 
Asteridae 
Ordo : Solanales 
Familia : Solanaceae 
Genus : Solanum 
Subgenus : Leptostemonum 
Species : Solanum aethiopicum 
L.

   

Solanum aethiopicum in Africa omni, in Madagascaria, Asia, America australi, Europa meridiana colitur propter fructus et folia ad comedendum adhibita. Fructus radicesque in medicinam praescribuntur propter facultatem carminativam, sedativam, anticolicam. In Iaponia surcula melongenarum in stirpibus S. aethiopici inseruntur ut morbis resistant.

Bibliographia

Fontes antiquiores

• 1597 : John Gerard, The Herball, or generall historie of plantes (Londinii: John Norton) p. 276 "Solanum aethiopicum: Aethiopian apple"
• 1623 : Casparus Bauhinus, Pinax Theatri botanici. Basileae: sumptibus Ludovici Regis p. 167 ("Solanum pomiferum fructu rotundo striato duro ... Mala aethiopica")
• 1756 : Carolus Linnaeus, Centuria II. Plantarum ... (Upsaliae, 1756) pp. 10-11
• 1759 : Carolus Linnaeus, Amoenitates academicae vol. 4 (Holmiae, 1759) p. 307

Eruditio

• Scholastique Aguessy et al., "Ethnobotanical characterization of scarlet eggplant (Solanum aethiopicum L.) varieties cultivated in Benin (West Africa)" in Journal of Agriculture and Food Research vol. 5 (2021) 100173
• Shalom Nwodo Chinedu et al., "Proximate and Phytochemical Analyses of Solanum aethiopicum L. and Solanum macrocarpon L. Fruits" in Research Journal of Chemical Sciences vol. 1 (Iunio 2011)
• Affiong Edeke et al., "Nutritional and Pharmacological Potentials of Solanum melongena and Solanum aethiopicum Fruits" in Journal of Phytopharmacology vol. 10 (2021) pp. 61-67
• Z. O. Gbile, S. K. Adesina, "Nigerian Solanum Species of Economic Importance" in Annals of the Missouri Botanical Garden vol. 75 (1988) pp. 862-865 JSTOR (Solanum gilo)
• R. N. Lester, L. Niakan, "Origin and domestication of the scarlet eggplant, Solanum aethiopicum, from S. anguivi in Africa" in W. G. D'Arcy, ed., Solanaceae, Biology and Systematics (Novi Eboraci: Columbia University Press, 1986) pp. 433-456
• R. N. Lester, A. Seck, "Solanum aethiopicum" in L. P. A. Oyen, R. H. M. J. Lemmens, Plant Resources of Tropical Africa: Precursor (Wageningen: PROTA Programme, 2002) pp. 131-134
• Mei Han et al., "Solanum aethiopicum: The Nutrient-Rich Vegetable Crop with Great Economic, Genetic Biodiversity and Pharmaceutical Potential" in Horticulturae vol. 7 (2021) no. 126
• María-Cortes Sánchez-Mata et al., "α-Solasonine and α-Solamargine Contents of Gboma (Solanum macrocarpon L.) and Scarlet (Solanum aethiopicum L.) Eggplants" in Journal of Agricultural and Food Chemistry vol. 58 (2010) pp. 5502–5508
• Maria S. Vorontsova, Sandra Knapp, A Revision of the "Spiny Solanums", Solanum subgenus Leptostemonum (Solanaceae) in Africa and Madagascar (Systematic Botany Monographs vol. 99, 2016) pp. 49-56 JSTOR

Nexus externi

Vide "Solanum aethiopicum" apud Vicispecies.

Vicimedia Communia plura habent quae ad Solanum aethiopicum spectant.