Sagittarius A

Haec commentatio non de foramine nigro supermassivo, sed de fonte radioelectrico composito narrat. De altera significatione videatur Sagittarius A*.

Sagittarius A, vel forma compendiaria Sgr A, est compositus fons radioelectricus^(en)(d) in media^(en)(d) Via lactea situs, qui foramen nigrum supermassivum^(en)(d) continet. Invenitur apud fines inter constellationes Sagittarii et Scorpii, circa 5.6° magis australis quam linea ecliptica, prope cumulum Papilionis^(en)(d) (M6) et Lambda Scorpii^(en)(d).

Magnae nebulae gasis et pulveris cosmici^(d) apud bracchia nostri galaxiae conspectum per frequentiam opticam spectri electromagnetici occultant. Tales nebulae sunt causa Fluminis obscuri^(en)^[1] quod centralem galaxiae bulbum findit.

Regio in partes tres dividitur: Sagittarius A orientalis (supernovae reliquiae), Sagittarius A occidentalis (structura spiriformis), et maxime luminosus fons radioelectricus apud mediam spiram, Sagittarius A* (foramen nigrum supermassivum, sagittarius-a-stella articulandus). Hae partes inter se insidunt: Sagittarius A* intra Sagittarium A occidentalem iacet, et iacet hic intra Sagittarium A orientalem, qui maxima regio videtur.

Sagittarius A orientalis recensere

Sagittarius A orientalis est circa 25 annorum luce mensorum latitudine. Lineamenta habet reliquiarum supernovae quae inter 35000 et 100000 a.C.n. deflagravit.

Sagittarius A occidentalis recensere

A Tellure visus, Sagittarius A occidentalis patescit spira tribus bracchiis. Imago tamen nos fallit: vera forma est congeriei multarum nebularum quae circa Sagittarium A* (saepe celeritate 1000 km/s) moventur et aliquando in eum incidunt. Superficies harum nebularum est ionizata. Fons talis ionizationis est multitudo stellarum massivarum (plus quam 100 stellarum classe spectrali OB^(en)(d) adhuc notarum) quae medium galaxiam incolunt.

Sagittarius A* recensere

Conferatur pagina principalis Sagittarius A*.

Nexus interni

Notae recensere

↑ Haec appellatio a Vicipaediano e lingua indigena in sermonem Latinum conversa est (Anglice: Dark River). Extra Vicipaediam huius locutionis testificatio vix inveniri potest.

Nexus externi recensere

Vicimedia Communia plura habent quae ad Sagittarium A spectant.

Data astronomica: "NAME Sgr A Region" apud SIMBAD.

[1] Haec appellatio a Vicipaediano e lingua indigena in sermonem Latinum conversa est (Anglice: Dark River). Extra Vicipaediam huius locutionis testificatio vix inveniri potest.

[1]